وسیلہ کی شرعی حیثیت

و عرف کسی بھی اعتبار سے برزخی زندگی میں آپ کی قبرمبارک کے پاس آنا، آپ صلی اللہ علیہ وسلم کے پاس آنے کے مترادف نہیں ۔ برزخی زندگی تو شریعت کے بیان کرنے سے ثابت ہو گئی ،البتہ یہ بات باقی رہ گئی کہ شریعت میں اس برزخی زندگی میں آنا ، دنیوی زندگی میں آنے کے مترادف ہے کہ نہیں ؟اور اس کا ثبوت مدعی ہی کے ذمہ ہے۔‘‘ (صِیانۃ الإنسان عن وسوسۃ الشّیخ دحلان، ص 28۔31) اس طویل بحث سے ثابت ہوا کہ اس آیت کریمہ سے وہ مفہوم نہیں نکلتا، جو مفہوم نکالنے کی کوشش ہمارے کرم فرما کیا کرتے ہیں ۔قبر رسول پر جا کر معافی کی درخواست کرنا بدعت ہے۔اگریہ دین ہوتا، تو سلف صالحین ضرور اختیار کرتے ،کیونکہ وہ خیروبھلائی کے بڑے حریص تھے۔علماء نے اس آیت کے تحت جو حکایات وروایات ذکر کی ہیں ،وہ کوئی ایسی مستند نہیں کہ جن سے دلیل لی جاسکے۔ قبرنبوی سے توسل والی روایات کا تجزیہ: روایت نمبر1 ابو حرب ہلالی کہتے ہیں کہ ایک خانہ بدوش نے فریضہ حج ادا کیا ، پھر مدینہ آیا،مسجد نبوی کے دروازے پراونٹنی بٹھائی ،اسے باندھا اور مسجد میں داخل ہوگیا، آپ صلی اللہ علیہ وسلم کی قبر مبارک کے پاس آیا اور پائنتی کی جانب کھڑا ہوگیا اور کہنے لگا : اَلسَّلَامُ عَلَیْکَ یَا رَسُولَ اللّٰہِ پھر ابو بکر و عمر رضی اللہ عنہما کو سلام کیا ، آپ صلی اللہ علیہ وسلم کی قبر مبارک کی طرف بڑھا اور کہنے لگا:اللہ کے رسول!میرے ماں باپ قربان ، میں گناہ گار ہوں ،اللہ کے ہاں آپ کو وسیلہ بنانے کے لئے حاضر ہوا ہوں ، کیونکہ اللہ نے قرآنِ کریم میں فرمایا ہے :