وسیلہ کی شرعی حیثیت

قبر پر جانا اور بات ۔ان میں کوئی بھی چیز دوسری چیز کے مترادف نہیں ۔ جب یہ موقف ثابت ہو گیا تو رسولِ اکرم صلی اللہ علیہ وسلم کے پاس آنے میں آپ صلی اللہ علیہ وسلم کے پاس آنے اور آپ کی قبر پر آنے ،دونوں کو شامل کرنا گویا انسان میں انسان اور گھوڑے ،دونوں کو شامل کرنا ہے۔ اس سے تو کسی چیز کو اپنے اور غیرمیں تقسیم کرنا لازم آتا ہے۔ عقل مندوں کے ہاں ایسا کرنا باطل ہے۔ یہی کام ابنِ دحلان نے کیا ہے کہ آپ صلی اللہ علیہ وسلم کے پاس آ کر استغفار کرنا، آپ کی حیات ِمبارکہ میں آپ کی ذات کے پاس آنے اور آپ کی وفات کے بعد قبرمبارک کے پاس آنے دونوں صورتوں کو شامل کر دیا ہے،حالانکہ آپ صلی اللہ علیہ وسلم کی قبر مبارک کے پاس استغفار کرنا، خود آپ صلی اللہ علیہ وسلم کے پاس آکر استغفار کرنے کے مترادف نہیں ۔ اگر یہ لوگ کہیں کہ ہم پر یہ اعتراض لازم نہیں آتا ،کیونکہ ہم یہ نہیں کہتے کہ آپ کے پاس آنے سے مراد آپ کی حیات ِمبارکہ میں آنا اور آپ کی وفات کے بعد آنا ہے، بلکہ ہم تو کہتے ہیں کہ آپ کے پاس آنے سے مراد آپ کی دنیوی زندگی میں آنا اور آپ کی برزخی زندگی میں آنا ہے۔ جب برزخی زندگی میں آپ کے پاس آنا اسی صورت ممکن ہے کہ ہم آپ صلی اللہ علیہ وسلم کی قبرمبارک پر آئیں ،یعنی زیارت ِقبر نبوی کریں ، تو اس آیت سے ثابت ہو گیا کہ آپ صلی اللہ علیہ وسلم کی قبر پر آکر استغفار کرنا جائز ہے۔۔۔ تو ہم عرض کریں گے کہ لغت و عرف کے اعتبار سے آیت ِکریمہ یہی بتاتی ہے کہ اس سے مراد آپ صلی اللہ علیہ وسلم کی دنیاوی زندگی ہی میں آنا ہے۔ کیونکہ لغت