وسیلہ کی شرعی حیثیت

نمازِ غوثیہ بعض لوگوں نے دین میں ایک نئی نماز گھڑلی ہے اور اسے ’’نماز غوثیہ‘‘ کا نام دے کر شیخ عبد القادر جیلانی رحمہ اللہ کی طرف منسوب کر دیا ہے، یہ نماز بدعات و خرافات اور شرک و کفر کا ملغوبہ ہے، دین نبی کریم صلی اللہ علیہ وسلم کے اقوال و افعال کی پیروی کا نام ہے، غیر مشروع طریقوں سے تقرب الٰہی کا حصول نا ممکن ہے، اگرچہ یہ لوگ اپنے ان کارناموں کو اچھا خیال کرتے ہیں ، لیکن حقیقت یہ ہے کہ ایسے طریقوں کو دین و عبادت قرار دینافساد فی الارض ہے، فرمانِ باری تعالیٰ ہے: ﴿وَإِذَا قِیلَ لَہُمْ لَا تُفْسِدُوا فِي الْـأَرْضِ قَالُوا إِنَّمَا نَحْنُ مُصْلِحُونَ، أَلَا إِنَّہُمْ ہُمُ الْمُفْسِدُونَ وَلٰکِنْ لَّا یَشْعُرُونَ﴾(البقرۃ : 12-11) ’’جب ان سے کہا جاتا ہے کہ زمین میں فساد نہ کرو، توکہتے ہیں : ہم تو اصلاح کرنے والے ہیں ، خبردار! حقیقت میں یہی لوگ فسادی ہیں ، لیکن انہیں شعور نہیں ۔‘‘ بدعات، اللہ کی زمین پر فتنہ کا باعث ہیں ، بعض لوگ آئے دن کوئی نہ کوئی بدعت ایجاد کر لیتے ہیں ، وہ عبادات میں نبی کریم صلی اللہ علیہ وسلم کی ذاتِ گرامی پر اکتفا نہیں کرتے۔ دنیا میں سب سے پہلے مصری صوفی ابو الحسن علی بن یوسف شطنوفی(713ھ) نے اس نماز کو متعارف کر وایا،یہ صوفی شیخ عبدالقادر جیلانی رحمہ اللہ کی طرف منسوب