کتاب: وسیلہ کی شرعی حیثیت - صفحہ 342
حافظ جوزجانی رحمہ اللہ فرماتے ہیں :
غَالٍ مِّنَ الشَّتَّامِینَ لِلْخِیَرَۃِ ۔
’’غالی رافضی تھااور صحابہ کرام پر سب و شتم کرنے والوں میں سے تھا۔‘‘
(أحوال الرّجال : 90)
امام دارقطنی رحمہ اللہ (الضعفاء والمتروکین :195)اور امام نسائی رحمہ اللہ (کتاب الضعفاء المتروکین :146)نے ’’لیس بالقوی‘‘ کہا ہے۔
حافظ ابن کثیر رحمہ اللہ فرماتے ہیں :
ھُوَ شِیعِيٌّ جَلْدٌ، وَضَعَّفَہٗ غَیْرُ وَاحِدٍ ۔
’’کٹر شیعہ تھا۔ کئی محدثین نے ضعیف قرار دیا ہے۔‘‘
(البِدایۃ والنّہایۃ : 6/86)
حافظ ہیثمی رحمہ اللہ فرماتے ہیں :
ضَعَّفَہُ الْجُمْھُورُ ۔’’جمہور محدثین نے ضعیف قرار دیا ہے۔‘‘
(مَجمع الزّوائد : 6/82، 9/102)
حافظ ابن حجر رحمہ اللہ نے ’’ضعیف‘‘ کہا ہے۔(فتح الباري : 6/467)
حافظ سیوطی رحمہ اللہ کہتے ہیں :
حُسَیْنٍ الْـأَشْقَرُ مُتَّھَمٌ ۔
’’حسین اشقر متہم بالکذب ہے۔‘‘(ذیل الأحادیث الموضوعۃ، ص 58)
2.اعمش ’’مدلس‘‘ ہیں ، سماع کی تصریح نہیں کی۔