وسیلہ کی شرعی حیثیت

کے پاس آکر استغفار کی درخواست کرنے کی دعوت دی جائے اور وہ اسے ٹھکرا دے ،تو اس پر یہ حکم نہیں لگے گا۔ جو ان دونوں معاملوں ، دونوں شخصوں اور دونوں دعوتوں کا ایک ہی حکم بیان کرے گا، وہ باطل کا علمبردار ہو گا اور اللہ تعالیٰ، اس کے کلام، اس کے رسول اور اس کے دین کے محافظوں پر جھوٹ باندھنے کا مرتکب ہو گا۔ ۔۔۔ اب ہم بتاتے ہیں کہ یہ آیت ِکریمہ سبکی کی تفسیر کی مخالفت کیسے کرتی ہے۔ اللہ نے اس آیت کا آغاز یوں فرمایا : ﴿وَمَا أَرْسَلْنَا مِن رَّسُولٍ إِلَّا لِیُطَاعَ بِإِذْنِ اللّٰہِ وَلَوْ أَنَّہُمْ إِذْ ظَّلَمُوا أَنفُسَہُمْ جَآؤُوکَ﴾(النساء : 64) ’’ہم نے تمام رسول اس لیے بھیجے کہ اللہ کے حکم سے ان کی اطاعت کی جائے۔ اگر وہ اپنی جانوں پر ظلم کرنے کے بعد آپ کے پاس آ جائیں ۔۔۔‘‘، اس سے معلوم ہوا کہ اپنی جانوں پر ظلم کرنے کے بعد آپ صلی اللہ علیہ وسلم کے پاس آنا اطاعت ِنبوی کانام ہے، اسی لیے اس اطاعت کی طرف نہ آنے والے کی مذمت کی گئی۔ جبکہ آج تک کسی مسلمان نے یہ نہیں کہا کہ گناہ گار پر نبی اکرم صلی اللہ علیہ وسلم کی وفات کے بعد آپ کی قبر پر حاضر ہونا اور اپنے لیے استغفار کی درخواست کرنا فرض ہے۔ اگر یہ اطاعت ِنبوی پرمبنی ہے، تو بہترین زمانوں والے مسلمان (صحابہ و تابعین و تبع تابعین)کیا اس حکم کی نافرمانی کرتے رہے؟ اور کیا اس حکم کی بجاآوری ان غالیوں اور نافرمانوں نے کی؟ یہ بات تو اس فرمانِ باری تعالیٰ کے بھی خلاف ہے :