کتاب: وسیلہ کی شرعی حیثیت - صفحہ 281
امام احمد بن حنبل ، امام علی بن المدینی ، امام بخاری ، امام یحییٰ بن معین ، امام نسائی، امام دارقطنی ، امام ابو حاتم رازی ، امام ابو زرعہ رازی، امام ابنِ سعد ، امام ابنِ خزیمہ ،امام ترمذی، امام ابنِ حبان ، امام ساجی ، امام طحاوی حنفی ، امام جوزجانی رحمہم اللہ وغیرہم نے ضعیف قرار دیا ہے ۔
امام بزار رحمہ اللہ( 292ھ)فرماتے ہیں :
عَبْدُ الرَّحْمٰنِ بْنُ زَیْدٍ، قَدْ أَجْمَعَ أَھْلُ الْعِلْمِ بِالنَّقْلِ عَلٰی تَضْعِیفِ أَخْبَارِہِ الَّتِي رَوَاھَا ۔
’’فن حدیث کے ماہر ائمہ کا عبد الرحمن بن زید کی روایات کو ضعیف کہنے پر اتفاق ہے۔‘‘(مسند البزّار : 8763)
حافظ ابن الجوزی رحمہ اللہ کہتے ہیں :
أَجْمَعُوا عَلٰی ضَعْفِہٖ ۔’’اس کے ضعیف ہونے پر محدثین کا اتفاق ہے۔‘‘
(تھذیب التّھذیب لابن حجر :6 / 179-178)
شیخ الاسلام ابن تیمیہ رحمہ اللہ(728ھ)فرماتے ہیں :
ضَعِیفٌ بِاتِّفَاقِھِمْ، یَغْلِطُ کَثِیرًا ۔
’’باتفاقِ محدثین ضعیف ہے، بہت غلطیاں کرتا ہے۔‘‘
(قاعدۃ جلیلۃ في التوسّل والوسیلۃ، ص 167)
حافظ ابن حجر رحمہ اللہ فرماتے ہیں :
عَبْدُ الرَّحْمٰنِ مُتَّفَقٌ عَلٰی تَضْعِیفِہٖ ۔