وسیلہ کی شرعی حیثیت

کے وہم و گمان میں بھی نہیں تھا۔ اب آیت ِکریمہ کے متعلق شبہات کا تفصیلی جواب ملاحظہ ہو، تاکہ قارئین کو مفید معلومات فراہم ہو سکیں ۔ حافظ ابن عبدالہادی رحمہ اللہ(744ھ)فرماتے ہیں : ’’سبکی صاحب نے سورت نساء کی آیت نمبر64 ’’(اے نبی!) اگر یہ لوگ اپنی جانوں پر ظلم کر بیٹھیں ، تو آپ کے پاس آجائیں ۔‘‘ سے بھی استدلال کیا ہے۔ ہم اس پردو گزارشات کرتے ہیں ؛ 1. اس آیت سے سبکی کا مدّعا ثابت نہیں ہوتا۔ 2.یہ آیت اس کے مذہب کے خلاف ہے۔ یہ دونوں باتیں آیتِ کریمہ ، اس کی صحیح تفسیر، سیاقِ کلام ،سلف اورپیروان سلف کے فہم پر تدبر کرنے سے واضح ہو جاتی ہیں ۔ اسلاف امت ہی قرآنِ کریم اور اس کے معانی کو تمام امت سے زیادہ سمجھتے تھے۔ سلف اور (ان کے متبعین)خلف نے اس آیت سے یہ تو سمجھا ہے کہ نبی کریم صلی اللہ علیہ وسلم کی زندگی میں آپ سے دعا کے لئے آئیں ،اس کے علاوہ کچھ نہیں سمجھا، اللہ نے اس کی مذمت کی ہے، جو گناہ کے بعد آپ صلی اللہ علیہ وسلم کے پاس نہیں آتا اور اسے منافق قرار دیاہے۔فرمانِ باری تعالیٰ ہے: ﴿وَإِذَا قِیلَ لَہُمْ تَعَالَوْا یَسْتَغْفِرْ لَکُمْ رَسُولُ اللّٰہِ لَوَّوْا رُوُوسَہُمْ وَرَأَیْتَہُمْ یَصُدُّونَ وَہُم مُّسْتَکْبِرُونَ﴾(المنافقون:5)’’ جب ان سے کہا جاتا ہے کہ آؤ رسول اللہ صلی اللہ علیہ وسلم آپ کے لئے استغفار کریں ،تو وہ اعراض کرتے ہیں اور آپ دیکھتے ہیں کہ انہوں نے تکبر سے منہ پھیر لیا