وسیلہ کی شرعی حیثیت

موت نہ دینا، جب تک میں زمین کے مشرق و مغرب کا حکمران نہ بن جاؤں اور جو بھی مجھ سے مقابلہ کرے اس کا سر قلم کر دوں ۔ وہ آئے اور بیٹھ گئے۔ لوگوں نے سیدنا عبد اللہ بن عمر رضی اللہ عنہما سے کہا : وہ کھڑے ہوئے اور رکن یمانی پکڑ کر عرض کرنے لگے : میرے اللہ! تو رحمن و رحیم ہے۔ میں تیری اس رحمت کے طفیل سوال کرتا ہوں ، جو تیرے غصے پر غالب ہے، نیز میں تمام مخلوق پر تیری قدرت کے طفیل مطالبہ کرتا ہوں کہ مجھے اس وقت تک موت نہ آئے، جب تک تُو مجھ پر جنت واجب نہ کردے۔شعبی کہتے ہیں :میں نے مرنے سے پہلے ہر شخص کی دعا قبول ہوتے ہوئے دیکھ لی ہے۔ سیدنا عبد اللہ بن عمر رضی اللہ عنہما کو بھی جنت کی بشارت دے دی گئی اور ان کے لیے جنت آراستہ کر دی گئی۔‘‘ (مُجَابوا الدّعوۃ لابن أبي الدّنیا، ص 121-120، المُنتَظم لابن الجوزي : 6/135-134، تاریخ ابن عساکر : 171/31) تبصرہ: موضوع اور من گھڑت ہے۔ 1.اسے گھڑنے والا اسماعیل بن ابان غنوی ہے۔ امام احمد بن حنبل رحمہ اللہ فرماتے ہیں : کَتَبْنَا عَنْہُ … ثُمَّ حَدَّثَ أَحَادِیثَ … مَوْضُوعَۃً … فَتَرَکْنَاہُ ۔ ’’ ہم نے اس سے کچھ احادیث لکھی تھیں ، پھر اس نے جھوٹی احادیث بیان کیں ، تو ہم نے اسے ترک کر دیا۔‘‘ (العِلَل ومعرفۃ الرّجال لأحمد بروایۃ ابنہ عبد اللّٰہ : 3/211، ت : 4912)