کتاب: وسیلہ کی شرعی حیثیت - صفحہ 180
امام ابو زرعہ رازی رحمہ اللہ نے اسے لَیِّن کہا ہے ۔
امام ابو حاتم رازی رحمہ اللہ فرماتے ہیں :
ضَعِیفُ الْحَدِیثِ، یُکْتَبُ حَدِیثُہ ۔
’’ضعیف الحدیث ہے۔اس کی حدیث (متابعات و شواہد میں )لکھی جائے گی۔‘‘(الجرح والتّعدیل لابن أبي حاتم : 6/383)
امام دارقطنی رحمہ اللہ نے ’’ضعیف‘‘ قرار دیا ہے ۔(سنن الدّارقطني : 4/39)
’’مضطرب الحدیث ‘‘ بھی کہاہے ۔(العِلَل : 4/291)
امام بخاری رحمہ اللہ فرماتے ہیں :
کَانَ یَحْیٰی یَتَکَلَّمُ فِي عَطِیَّۃَ ۔
’’امام یحییٰ بن سعید رحمہ اللہ عطیہ پر جرح کرتے تھے۔‘‘
(التّاریخ الکبیر : 4/83)
نیز فرماتے ہیں :
کَانَ یَحْیٰی لَا یَرْوِي عَنْ عَطِیَّۃَ ۔
’’یحییٰ بن سعید رحمہ اللہ عطیہ بن سعد عوفی سے روایت نہیں کرتے تھے۔‘‘
(التّاریخ الکبیر : 5/122)
امام یحییٰ بن معین رحمہ اللہ فرماتے ہیں :
ضَعِیفٌ، إِلَّا أَنَّہٗ یَکْتَبُ حَدِیثُہٗ ۔
’’ضعیف ہے، البتہ اس کی روایت (متابعت میں ) لکھی جائے گی۔‘‘
(الکامل لابن عدي : 5/369، وسندہٗ حسنٌ)