وسیلہ کی شرعی حیثیت

تنبیہ: تاریخ طبری(4/98) اور البدایہ والنہایہ لابن کثیر(1/71) میں ہے : حَتّٰی أَقْبَلَ بِلَالُ بْنُ الْحَارِثِ الْمُزَنِيُّ، فَاسْتَأْذَنَ عَلَیْہِ، فَقَالَ : أَنَا رَسُولُ رَسُولِ اللّٰہِ إِلَیْکَ، یَقُولُ لَکَ رَسُولُ اللّٰہِ ۔ ’’بلال بن حارث مزنی آئے، انہوں نے اجازت طلب کی اور کہا : میں آپ کی طرف رسول اللہ صلی اللہ علیہ وسلم کا ایلچی ہوں ، اللہ کے رسول صلی اللہ علیہ وسلم آپ سے فرماتے ہیں ۔‘‘ یہ جھوٹ ہے۔ 1.شعیب بن ابراہیم رفاعی کوفی ’’مجہول‘‘ ہے۔ امام ابن عدی رحمہ اللہ فرماتے ہیں : شُعَیْبُ بْنُ إِبْرَاہِیمَ ہٰذَا، لَہٗ أَحَادِیثُ وَأَخْبَارٌ، وَہُوَ لَیْسَ بِذٰلِکَ الْمَعْرُوفِ، وَمِقْدَارُ مَا یَرْوِي مِنَ الْحَدِیثِ وَالْـأَخْبَارِ لَیْسَتْ بِالْکَثِیرَۃِ، وَفِیہِ بَعْضُ النُّکْرَۃِ، لِأَنَّ فِي أَخْبَارِہٖ وَأَحَادِیثِہٖ مَا فِیہِ تَحَامُلٌ عَلَی السَّلَفِ ۔ ’’ شعیب بن ابراہیم نے کچھ احادیث اور روایات بیان کی ہیں ۔ یہ فن حدیث میں معروف نہیں ۔ اس نے کوئی زیادہ احادیث بیان نہیں کیں ، اس کے باوجود ان میں نکارت ہے، ان روایات میں سلف صالحین کی اہانت ہے۔‘‘ (الکامل في ضُعَفاء الرّجال : 7/5)