وسیلہ کی شرعی حیثیت

اس سلسلہ میں بہت سی احادیث بیان ہوئی ہیں ۔ ایک نابینا صحابی رضی اللہ عنہ نے نبی کریم صلی اللہ علیہ وسلم سے اپنے حق میں دعا کرائی تھی۔ (سنن التّرمذي : 3578، وسندہٗ حسنٌ) ٭عمر بن خطاب رضی اللہ عنہ نے نبی کریم صلی اللہ علیہ وسلم کے چچا عباس بن عبدالمطلب رضی اللہ عنہ سے دعا کرائی۔(صحیح البخاري : 1010) قرآن و سنت سے وسیلے کی مذکورہ تین اقسام ہی ثابت ہیں ۔اہل سنت کا انہی پر عمل ہے اور مسلمانوں کو انہی پر اکتفا کرنا چاہیے۔ وسیلے کی ناجائز صورتیں : وسیلہ کی ان تین اقسام کے علاوہ تمام اقسام غیر مشروع ،ناجائز اور بدعت ہیں ۔ مثلا؛ حاضر ، غائب ، زندہ یا مردہ کی ذات کا وسیلہ پیش کیا جائے یا صاحب ِ قبر سے کہا جائے کہ میرے حق میں دعا اور سفارش کریں ۔ نبی اکرم صلی اللہ علیہ وسلم کی حیات ِ طیبہ میں یا وفات کے بعد کسی صحابی نے آپ صلی اللہ علیہ وسلم کی ذات کو وسیلہ نہیں بنایا ، سلف صالحین اور ائمہ محدثین سے بھی یہ وسیلہ ثابت نہیں ،چند گزارشات ملاحظہ ہوں : 1.وسیلے کی یہ صورتیں بدعت ہیں ، قرآن وحدیث میں ان کا ثبوت نہیں اور صحابہ کرام ،اسلاف امت کا ان پر عمل نہیں ۔ نبی اکر م صلی اللہ علیہ وسلم کا فرمان ہے: مَنْ عَمِلَ عَمَلًا، لَیْسَ عَلَیْہِ أَمْرُنَا، فَھُوَ رَدٌّ ۔ ’’جس نے ایسا کام ایجاد کیا، جس پر ہمارا امر نہیں ، وہ مردود ہے۔‘‘ (صحیح مسلم : 1877) سیدناعبداللہ بن عباس رضی اللہ عنہ بیان فرماتے ہیں :