کتاب: اصول تفسیر - صفحہ 109
ضمیر ِ فصل
ضمیر فصل : ضمیر مرفوع منفصل کا وہ حرف ہے جو مبتداء اور خبر کے درمیان واقع ہوتا ہے جب یہ دونوں معرفہ ہوں ۔ (اس بنا پر اعراب میں اس کا کوئی محل ( ٹھکانہ )نہیں ہوگا )۔
اور یہ ضمیر متکلم سے بھی آتی ہے ‘ جیسا کہ اللہ تعالیٰ کا فرمان ہے :
{إِنَّنِیْ أَنَا اللّٰهُ لَا إِلَہَ إِلَّا أَنَا} (طہ:۱۴)
’’بیشک میں ہی اللہ ہوں میرے سوا کوئی معبود نہیں۔‘‘
اور اللہ تعالیٰ کا فرمان ہے :
{وَإِنَّا لَنَحْنُ الصَّافُّونَ } (الصافات:۱۶۵)
’’ اور بیشک ہم صف باندھے رہتے ہیں۔‘‘
اور ضمیر مخاطب سے بھی (ضمیر فصل ) آتی ہے ، جیسا کہ اللہ تعالیٰ کا فرمان ہے :
{کُنْتَ أَنْتَ الرَّقِیْبَ عَلَیْہِمْ } (المائدہ:۱۱۷)
’’ اور آپ ہی ان پر نگہبان تھے ۔‘‘
اور ضمیر غائب سے بھی (ضمیر فصل ) آتی ہے ، جیسا کہ اللہ تعالیٰ کا فرمان ہے :
{أُوْلَـئِکَ ہُمُ الْمُفْلِحُونَ } (البقرہ:۵)
’’اور وہی لوگ کامیابی پانے والے ہیں ۔‘‘
اس کے تین فوائد ہیں:
پہلا فائدہ : تاکید ۔ جب آپ کہتے ہیں: ’’زید ھو أخوک‘‘ زید وہ آپ کا بھائی ہے۔ اس میں زیادہ تاکید ہے؛ بہ نسبت اس کے کہ آپ کہیں: ’’ زید أخوک‘‘ زید آپ کا