اصول فقہ(عثیمین)

ظاہر اور مؤوَّل ظاہر کی تعریف: ظاہر : لغت میں واضح اور کھلے ہوئے کو کہتے ہیں ۔ اصطلاح میں …: ’’ ما دل بنفسہ علی معنی راجح مع احتمال غیرہ۔‘‘ ’’ ظاہر وہ ہے جودوسرے احتمال کے باوجود اپنے راجح معنی پرخو د ہی دلالت کرے ۔ ’’ [1] اس کی مثال: رسول اللہ صلی اللہ علیہ وسلم نے فرمایا ہے : ’’اونٹوں کے گوشت سے[کھانے کے بعد] وضو کرو ۔‘‘[2] بیشک اس میں ظاہر تو یہ ہے کہ وضو سے مراد اپنے چار اعضاء کو شرعی صفت کے مطابق دھونا ہے ، نہ کہ وہ وضوء جو نظافت کے معنی میں مستعمل ہے ۔ پس ہمارے قول : ’’ ما دل بنفسہ علی معنی۔‘‘ سے مجمل خارج ہوا ، کیونکہ مجمل خود اپنے معنی پر دلالت نہیں کرتا۔ اورہمارے قول: ’’ راجح‘‘ سے مؤول خارج ہوا، کیونکہ اگر قرینہ نہ ہوتو یہ معنی مرجوح

[1] ظاہر کی علامت یہ ہے کہ ذہن فوری طور پر اس کی طرف منتقل ہوتا ہے ۔ اس بنا پر شیخ الاسلام ابن تیمیہ رحمہ اللہ نے لکھا ہے کہ قرآن یا لغت میں کوئی مجاز نہیں ہیں ؛ کیونکہ مجاز وہ ہے جس میں اس کا خلاف راجح نہ ہو ۔ [2] رواہ أحمد(۴/۳۵۲) وہو عند أبي داؤد (۱۸۴) کتاب الطہارۃ؛ باب الوضوء من لحوم الإبل من حدیث البراء وغیرہا من المصنفین۔ وہو في مسلم (۳۶۰) کتاب الحیض’۲۵-باب الوضوء من لحوم الإبل من حدیث جابر ۔