اصول فقہ(عثیمین)

اور متأخر کی مثال : اللہ تعالیٰ کا یہ فرمان ہے : ﴿وَالَّذِیْنَ یَبْتَغُونَ الْکِتَابَ مِمَّا مَلَکَتْ أَیْمَانُکُمْ فَکَاتِبُوہُمْ إِنْ عَلِمْتُمْ فِیْہِمْ خَیْراً ﴾ (النور:۳۳) ’’اور جو غلام تم سے مکاتبت چاہیں تو ان سے مکاتبت کر لو ؛اگر تم ان میں (صلاحیت اور) نیکی پاؤ۔‘‘ سوم: صفت: [1] ’’صفت وہ ہے جس سے ایسے معانی کا شعور ہو جو عام کے بعض افراد کو خاص کر دے ، صفت ‘ بدل ‘ یا حال کی وجہ سے ‘‘۔[2] صفت کی مثال ‘ اللہ تعالیٰ کا یہ فرمان ہے : ﴿ فَمِن مِّا مَلَکَتْ أَیْمَانُکُم مِّن فَتَیَاتِکُمُ الْمُؤْمِنَاتِ﴾ (النساء:۲۵) ’’ جو تمہارے قبضے میں آگئی ہوں تو تمہاری مومن لونڈیوں میں سے (ان سے نکاح کر لیا جائے) ۔‘‘ [3] اور بدل کی مثال اللہ تعالیٰ کا یہ فرمان ہے : ﴿ وَلِلّہِ عَلَی النَّاسِ حِجُّ الْبَیْتِ مَنِ اسْتَطَاعَ إِلَیْہِ سَبِیْلاً ﴾(آل عمران:۹۷) ’’ اور لوگوں پر اللہ تعالیٰ کا حق (یعنی فرض) ہے کہ جو اس گھر تک جانے کا مقدور رکھے وہ اُس کا حج کرے ۔‘‘[4] اور حال کی مثال اللہ تعالیٰ کا یہ فرمان ہے :

[1] مخصص کی اس قسم میں شرط یہ ہے کہ یہ ایک ہی متکلم کی طرف سے ہو‘ اور یہ کہ موصوف اور صفت کے بیان میں اتنا فاصلہ نہ ہی جس سے اس کو ختم کیا جاسکے ۔ [2] یہ صفت اہل نحو کی صفت سے مختلف ہے ۔نحوی صفت صرف ’’ نعت ‘‘(وصف )کو کہتے ہیں ‘ جب کہ اصولیوں کے ہاں یہ اس سے عام ہے ‘ بدل اور حال کو بھی شامل ہے ‘‘۔ [3] آیت کریمہ میں لونڈیوں کی مومن صفت بیان کی گئی ہے ‘ جو عام کو خاص کرتی ہے ۔ [4] آیت میں یہاں پر’’ من استطاع ‘‘ بدل ہے ’’ الناس ‘‘ سے ؛ جو اس عام کو خاص کرتا ہے ۔