اصول فقہ(عثیمین)

تقلید تقلید کی تعریف : تقلید لغت میں : کسی چیز کو گردن میں ایسے ڈال دینا کہ وہ اس کا احاطہ کرلے جیسے ’’ ہار ‘‘ (گلے کا احاطہ کرتا ہے )۔ اصطلاح میں …: ’’اتباع من لیس قولہ حجۃ۔‘‘ ’’ اس کی اتباع کرنا جس کا قول حجت نہیں ہے ۔‘‘ ہمارے قول : ’’من لیس قولہ حجۃ‘‘سے اتباع نبی صلی اللہ علیہ وسلم اور اتباع ِ أہل اجماع ، او راتباع صحابی خارج ہوئی ، کیونکہ ہمارا مذہب ہے کہ صحابی کا قول ’’ حجت ‘‘ ہے۔ ان میں سے کسی ایک کی اتباع کو تقلید نہیں کہا جائے گا ، کیونکہ یہ ایسی اتباع جو حجت پر مبنی ہے۔ لیکن کبھی کبھار اس کو مجازاً او رلغت میں توسیع کی وجہ سے تقلید کہا جاتا ہے۔ تقلید کے مقامات: تقلید دو موقع پر ہوتی ہے : اول: یہ کہ مقلد عامی ہو‘خود حکم کی معرفت حاصل کرنے کی استطاعت نہ رکھتا ہو‘ تو اس پر تقلید فرض ہے۔ اس لیے کہ اللہ تعالیٰ فرماتے ہیں : ﴿فَاسْأَلُواْ أَہْلَ الذِّکْرِ إِن کُنتُمْ لاَ تَعْلَمُونَ﴾ (النحل:۴۳) ’’اگر تم لوگ نہیں جانتے تو اہل ِ علم سے پوچھ لو ۔‘‘ اور تقلید اس کی کی جائے گی جسے علم و ورع میں افضل پایا جائے گا۔ اگر دونوں اس کے