اصول فقہ(عثیمین)

اجتہاد اجتہاد کی تعریف : لغت میں : کسی مشکل معاملہ کے پانے کیلئے اپنی توانائیاں صرف کرنے کا نام ہے۔ اصطلاح میں …: ’’بذل الجہد لإدراک ِ حکم شرعی۔‘‘ ’’ کسی شرعی حکم کے جاننے کے لیے اپنی کوششیں بروئے کار لانے کا نام ہے ۔‘‘ مجتہد: ’’ جو اس کام کے لیے اپنی محنت ( کوشش ) صرف کرے ۔‘‘ اجتہاد کی شروط : اجتہاد کے لیے شرائط ہیں ‘ ان میں سے : ۱: یہ کہ[مجتہد] ان ادلہ شرعیہ کو جانتا ہو جن کی اسے اپنے اجتہاد میں ضرورت ہے ‘ جیسے آیات ِ احکام او ران سے متعلق احادیث اور دیگر امور کا علم ۔ ۲: یہ کہ حدیث کے صحیح اور ضعیف ہونے کے لیے متعلقہ امور جانتا ہو ‘ جیسے اسناد اور رجال کی معرفت وغیرہ۔ ۳: ناسخ اور منسوخ اور اجماع کے مواقع جانتا ہو ‘ تاکہ منسوخ پر یا اجماع کے مخالف حکم نہ لگائے۔ ۴: ان دلائل کو جانتا ہو جن سے حکم بدل جاتا ہے ‘ جیسے تخصیص ‘ تقیید، اور اس طرح کے امور ، تاکہ ان کے مخالف کے مطابق حکم نہ لگائے۔