فتاوی علمیہ المعروف توضیح الاحکام

الجواب: انگوٹھی اتارنے والی روایت ضعیف ومنکر ہے دیکھئے سنن ابی داود (ح 19 نیل المقصود) وغیرہ،باقی امور کے بارے میں خود اجتہاد کرلیں۔بہتر یہی ہے کہ سورتوں وغیرہ کو کسی محفوظ جگہ رکھ کر ہی بیت الخلاء میں داخل ہوں۔واللہ اعلم۔(شہادت جنوری 2003ء) بیت الخلاء اور انگوٹھی اُتارنا سوال: ایک روایت میں آیا ہے کہ نبی کریم صلی اللہ علیہ وسلم جب بیت الخلاء میں داخل ہوتے تو اپنی انگوٹھی(جس پر محمد رسول اللہ( صلی اللہ علیہ وسلم ) لکھا ہوا تھا) اُتاردیتے تھے۔ کیایہ روایت صحیح ہے؟(طارق مجاہد یزمانی) الجواب: بیت الخلاء جانے سے پہلے انگوٹھی اُتارنے والی روایت درج ذیل سند سےمروی ہے: "عن همام عن ابن جريج عن الزهري عن أنس رضي اللّٰه تعاليٰ عنه " (سنن ابی داود:19 وقال:"ھذا حدیث منکر"سنن الترمذی :1746 وقال؛"ھذا حدیث حسن صحیح غریب"الشمائل للترمذی:93 سنن النسائی 8؍178 ح 5616 سنن ابن ماجہ 303 السنن الکبری للبیہقی 1؍95 وقال:" وھذا شاھد ضعیف واللّٰه اعلم"ای حدیث ھمام،اخبار اصبہان 2؍111) ابن جریج مشہور مدلس تھے۔دیکھئے طبقات المدلسین(83؍3)تقریب التہذیب (4193) جامع التحصیل(ص 108) کتاب المدلسین لابی زرعۃ ابن العراقی (40) المدلسین للسیوطی(36) سوالات الحاکم النیسابوری للدارقطنی(265) علل الحدیث لابن ابی حاتم(2078) اور سوالات البرزعی(ص 743قول ابی مسعود احمد بن الفرات) ابن جریج مدلس کی یہ روایت عن سے ہے اورعام طالب علموں کو بھی معلوم ہےکہ (غیرصحیحین میں) مدلس کی عن والی روایت ضعیف ہوتی ہے لہذا یہ روایت ضعیف ہے۔ ابن جریج کی تدلیس کے باوجود امام ترمذی کااسے’’حسن صحیح غریب‘‘ کہنا عجیب وغریب ہے ۔حافظ منذری کا’’رواتہ ثقات اثبات‘‘ کی وجہ سے اسے صحیح کہنا بھی ناقابل فہم ہے ۔مدلس کے عن اور عدم تصریح سماع کے باوجود اس کی’’تصحیح‘‘ کیونکر صحیح ہوسکتی ہے؟ اگر کسی شخص کو اس روایت میں ابن جریج کے سماع کی تصریح مل گئی ہے تو باحوالہ پیش