ٹوپی و پگڑی سے یا ننگے سر نماز ؟

اور وہ عام دلیل یہ ہے: ’’نماز کے لئے دَورِحاضر سے کچھ پہلے کا معروف اسلامی لباس پہن کر اس سے زینت اختیار کرنا، دَورِ سلف صالحین میں ننگے سر رہنا، چلنا پھرنا اور اسی حالت میں ہی مساجد میں چلے جانا عرفِ عام میں اچھی حیثیت شمار نہیں کیا جاتا تھا۔ اور یہ بات ان کے یہاں خلافِ زینت تھی ‘‘۔(۲۳) نماز کے وقت زینت کو اختیار کرنے کا خود اﷲ تعالیٰ نے حکم فرمایا ہے۔ جیسا کہ سورۂ اعراف آیت ۳۱ میں ارشاد ِالٰہی ہے: {یٰبَنِیْ اٰدَمَ خُذُوْازِیْنَتَکُمْ عِنْدَ کُلِّ مَسْجِدٍ} ’’اے بنی آدم ! ہر نماز کے وقت زینت اختیار کرو۔‘‘ نماز کے وقت زینت اختیا ر کرنے کی ترغیب نبی اکرم ﷺ نے بھی دلائی ہے۔ جیسا کہ طبرانی ، اوسط، بیہقی اور معانی الآثار کے حوالہ سے ہم پہلے بھی حضرت ابن عمر رضی اﷲ عنہما سے مروی حدیث ذکر کر چکے ہیں۔ جِس میں ارشاد نبوی ہے : {اِذَا صَلّٰی اَحَدُکُمْ فَلْیَلْبَسْ ثَوْبَیْہِ فَاِنَّ اللّٰهِ اَحَقُّ مَنْ تُزُیِّنَ لَہُ }(۲۴) ’’تم میں سے جب کوئی نماز پڑھے تو اپنے دونوں کپڑے پہنے، بے شک اﷲ تعالیٰ اس بات کا زیادہ مستحق ہے کہ اس کے لئے زینت اختیار کی جائے۔‘‘ اس آیت و حدیث اور سلف صالحین کے عُرف عام میں ننگے سر نہ پھرنے سے عمامہ و ٹوپی کی فضیلت یا کم ازکم ننگے سر نماز کی نسبت اس کی افضلیّت کا پتہ چلتا ہے۔ اور یہ عام دلیل ہے۔ جب کہ عمامہ کی فضیلت والی خاص احادیث ہم ذکر کر چکے ہیں کہ وہ سب واقعی موضوع و من گھڑت ہیں۔ ۳۔ ننگے سر نماز کے دلائِل کی استنادی حیثیّت: فقہ السنّہ کے مؤلّف سیّد سابق کے اقتباس پر وارد ہونے والے مؤاخذات و اعتراضات میں سے دو ذکر کئے گئے ہیں۔ پہلی دلیل: جب کہ اس اقتباس میں ایک تیسری بات بھی مذکور ہے کہ موصوف نے ننگے سر نماز