تحفۃ المتقین

برابر قریب ہوتا ہوں ۔اور اگر وہ میری طرف چل کر آئے تو میں اس کی طرف دوڑ کر آتا ہوں ۔‘‘ اور آپ سے ہی ایک دوسری روایت میں ہے؛ فرماتے ہیں :رسول اکرم صلی اللہ علیہ وسلم نے ارشاد فرمایا : اللہ تعالیٰ فرماتے ہیں : ’’اے ابن آدم! اگر تو مجھے اپنے دل میں یاد کرے گا تو میں تجھے اپنے دل میں یاد کروں گا۔ اور اگر تو مجھے جماعت میں یاد کرے تو میں بھی تجھے ملائکہ کی جماعت میں يااس سے بہترجماعت میں یاد کرتا ہوں اگر وہ مجھ سے ایک بالشت قریب ہو تو میں ایک گز اس کے قریب ہوتا ہوں اور اگر وہ ایک گز قریب ہوتا ہے تو میں اس سے دو گز قریب ہوتا ہوں اور اگر وہ میری طرف چل کر آئے تو میں اس کی طرف دوڑ کر آتا ہوں ۔‘‘ حضرت قتادہ رحمۃ اللہ علیہ فرماتے ہیں :’’ اللہ بہت جلد مغفرت فرمانے والے ہیں ۔‘‘ [صحيح: رواه البخاري في التوحيد (7536).] 5۔ حضرت شريح رحمۃ اللہ علیہ فرماتے ہیں :میں نے اصحاب رسول اکرم صلی اللہ علیہ وسلم میں سے ایک آدمی سے سنا؛ وہ کہہ رہا تھا:نبی اکرم صلی اللہ علیہ وسلم نے فرمایا :اللہ تعالیٰ فرماتے ہیں : (( يابنَ آدمَ! قُمْ إليَّ أَمْشِ إلَيْكَ، وَامْشِ إليَّ أُهَرْوِل إِلَيْكَ.)) ُْْ’’اے ابن آدم!میری طرف اٹھو تومیں تيری طرف چلو ں گا؛ تم میری طرف چلو میں تمھاری طرف دوڑ کر آؤں گا۔‘‘[صحيح: رواه أحمد (15925).] 6۔حضرت ابن عباس رضی اللہ عنہ فرماتے ہیں :رسول اکرم صلی اللہ علیہ وسلم نے فرمایا:اللہ تعالیٰ فرماتے ہیں : (( يٰا ابْنَ آدمَ إِذَا ذَكَرْتَنِيْ خَالِيًا ذَكَرْتُكَ خَالِيًا، وَإِذَا ذَكَرْتَنِي فِي مَلأٍ ذَكَرْتُكَ فِي ملَا ٍٔ خَيْرٍ مِنَ الَّذِيْنَ تَذْكُرُنِي فِيْهِمْ.)) ’’اے ابن آدم! جب تم مجھے تنہائی میں یاد کرتے ہو تو میں بھی تمہیں تنہائی میں یاد کرتا ہوں ۔اور اگر تو مجھے جماعت میں یاد کرے تو میں بھی تجھے اس سے بہترجماعت میں یاد کرتا ہوں جن میں تو مجھے یاد کرتا ہے۔‘‘ [حسن: رواه البزار (5138)، والطبراني في الكبير (12/64).]