تحفۃ المتقین

﴿ وَاِذَا سَاَلَكَ عِبَادِيْ عَـنِّىْ فَاِنِّىْ قَرِيْبٌ۝۰ۭ اُجِيْبُ دَعْوَۃَ الدَّاعِ اِذَا دَعَانِ۝۰ۙ فَلْيَسْتَجِيْبُوْا لِيْ وَلْيُؤْمِنُوْا بِيْ لَعَلَّہُمْ يَرْشُدُوْنَ۝۱۸۶﴾[ البقرة]. اور جب آپ سے میرے بندے میرے متعلق دریافت کریں تو میں قریب ہی ہوں منظور کرلیتا ہوں (ہر) عرضی درخواست کرنے والے کی جبکہ وہ میرے حضور میں درخواست دے سو ان کو چاہیے کہ میرے احکام کو قبول کیا کریں اور مجھ پر یقین رکھیں امید ہے کہ وہ لوگ رشد (وفلاح) حاصل کرسکیں گے۔‘‘ 111۔حضرت أبو ہریرہ رضی اللہ عنہ فرماتے ہیں :رسول اللہ صلی اللہ علیہ وسلم نے فرمایا: اللہ تعالیٰ فرماتے ہیں : ’’ میں اپنے بندے کے اس گمان کے پاس ہوتا ہو ں جو وہ میرے متعلق رکھتا ہے، اور میں اُس کے ساتھ ہوتا ہوں جب وہ میرا ذکرکرتا ہے۔‘‘ اور ایک روایت کے الفاظ ہیں : ’’ میں اپنے بندے کے اس گمان کے مطابق ہوتا ہو ں جو وہ میرے متعلق رکھتا ہے، اور میں اُس کے ساتھ ہوتا ہوں جب وہ مجھ سے دعا کرتا ہے۔‘‘ متفق عليه: رواه البخاري في التوحيد (7405)، ومسلم في الذكر والدعاء (2675: 2). (4):باب : اللہ تعالیٰ کو سوال کرنا پسند ہے جب سوال نہ کیا جائے تو اللہ تعالیٰ ناراض ہوتے ہیں 112۔حضرت ابوہریرہ رضی اللہ عنہ روایت ہے کہ رسول اللہ صلی اللہ علیہ وسلم نے فرمایا : ’’ جو آدمی اللہ تعالیٰ سے سوال نہیں کرتا، اللہ تعالیٰ اس سے ناراض ہوجاتا ہے۔‘‘ اور ایک روایت کے الفاظ ہیں :’’ جو آدمی اللہ تعالیٰ سے دعا نہیں کرتا۔‘‘ حسن: رواه الترمذي (3373) واللفظ له ، وابن ماجه (3827)، وأحمد (9719)، واللفظ الآخر لهما ، والحاكم (1/491). امام حاکم رحمۃ اللہ علیہ نے یہ الفاظ زیادہ روایت کیے ہیں : اللہ تعالیٰ اس سے ناراض ہوجاتا ہے جو ایسا کرتا ہے ؛اور اس کے علاوہ کوئی ایسا نہیں کرتا۔‘‘یعنی دعا۔