تحفۃ المتقین

تک وہ مجھ پر درود بھیجتا رہے اب اس مسلم کو اختیار ہے بکثرت درود بھیجے یا کم۔‘‘ [حسن: رواه ابن ماجه (907)، وأحمد (15680)] (5): باب:رسول اللہ صلی اللہ علیہ وسلم کا ذکر آنے پر درود 95۔حضرت أبو ہریرہ رضی اللہ عنہ فرماتے ہیں : ’’ رسول اللہ صلی اللہ علیہ وسلم منبر پر چڑھے فرمایا:آمين، آمين، آمين» آپ سے پوچھا گیا: یا رسول اللہ صلی اللہ علیہ وسلم ! آپ ایسے نہیں کیا کرتے تھے۔‘‘ تو آپ نے فرمایا :جبریل امین میرے پاس تشریف لائے اور فرمایا: اس شخص کی ناک خاک آلود ہو جس کے سامنے اس کے والدین ؛ یا دونوں میں سے کسی ایک کو بڑھاپا آئے اور وہ ان کے ذریعے جنت میں داخل نہ ہوسکے۔ تو میں نے کہا : آمین۔ اور اس شخص کی ناک خاک آلود ہو جس کی زندگی میں رمضان آیا اور اس کی مغفرت ہونے سے پہلے گذر گیا۔تو میں نے کہا : آمین۔ اس شخص کی ناک خاک آلود ہو۔ جس کے پاس میرا ذکر ہو اور وہ مجھ پر درود نہ بھیجے۔تو میں نے کہا : آمین۔‘‘ حسن: رواه البخاري في الأدب المفرد (646)، وابن خزيمة (1888). وجزء منه في صحيح مسلم. 96۔حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ’’ اس شخص کی ناک خاک آلود ہو۔ جس کے پاس میرا ذکر ہو اور وہ مجھ پر درود نہ بھیجے۔اور اس شخص کی ناک خاک آلود ہو جس کی زندگی میں رمضان آیا اور اس کی مغفرت ہونے سے پہلے گزر گیا۔ اور اس شخص کی ناک بھی خاک آلود ہو جس کے سامنے اس کے والدین کو بڑھاپا آئے اور وہ ان کے ذریعے جنت میں داخل نہ ہوسکے۔‘‘ امام ترمذی رحمۃ اللہ علیہ فرماتے ہیں :یہ حدیث اس سند سے حسن غریب ہے۔ حسن: رواه الترمذي (3545)، وأحمد (7451)، وابن حبان (908)، والحاكم (1/549).