تحفۃ المتقین

’’رسول اکرم صلی اللہ علیہ وسلم کے پاس کوئی بھی اپنے سر میں درد کی شکایت کرتا تو آپ صلی اللہ علیہ وسلم اسے یہی فرماتے کہ پچھنے لگواؤ ۔اور دونوں ٹانگوں میں درد کی شکایت کرتا تو آپ اسے یہ حکم فرماتے کہ مہندی لگاؤ۔‘‘ اور ایک روایت میں ہے : رسول اکرم صلی اللہ علیہ وسلم کے پاس کوئی بھی جب اپنے سر میں درد کی شکایت کرتا تو آپ صلی اللہ علیہ وسلم اسے یہی حکم دیتے کہ :’’پچھنے لگواؤ۔‘‘ اور جب کوئی دونوں ٹانگوں میں درد کی شکایت لاتا تو آپ اسے حکم دیتے کہ : ’’ مہندی لگاؤ ۔‘‘ [حسن: رواه أبو داود (3858)، والترمذي (2054)، وابن ماجه (3502)، وأحمد (27617)، والحاكم (4/40).] (41):باب: عرق النساء کا علاج 860۔ حضرت انس بن مالک رضی اللہ عنہ فرماتے ہیں : میں نے رسول اللہ صلی اللہ علیہ وسلم کو یہ فرماتے ہوئے سنا: ’’عرق النساء کا علاج جنگلی بکری کی چربی (چکی) ہے۔ اسے پگھلا کر تین حصہ کرلئے جائیں اور روزانہ ایک حصہ نہار منہ پیا جائے۔‘‘ [صحيح: رواه ابن ماجه (3463)، وأحمد (13295)، والحاكم (2/292).] [نوٹ:]اعرابی (جنگلی )بکری کا انتخاب اس وجہ سے ہے کہ اس میں فضولیات (مادہ ہائے خراب) کم پائے جاتے ہیں ۔ اور اس کا جوہر لطیف ہوتا ہے۔ اور اس کی تحقیق یہ بھی ہے کہ یہ گرم جگہ کی جڑی بوٹیاں کھاتی ہے؛ اس لیے۔ مترجم۔ 861۔حضرت ابن عباس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ’’ اور کھمبی مَن کی ایک قسم ہے (من وسلوی وہ کھانے جو بنی اسرائیل پر اترتے تھے) اور اس کا پانی آنکھوں کے لئے شفا ہے۔ عجوہ جنت کے میووں میں سے ہے اور اس میں زہر سے شفا ہے ۔‘‘ پھر رسول اللہ صلی اللہ علیہ وسلم نے عرق النسا کی نشانیاں بتائیں اورفرمایا: