تحفۃ المتقین

وابن حبان (803)، والحاكم (1/167). (9): باب: فجر سے طلوع آفتاب تک ذکر کرنے کی فضیلت کا بیان 33۔حضرت انس بن مالک رضی اللہ عنہ روایت ہے کہ رسول اکرم صلی اللہ علیہ وسلم نے فرمایا: ’’ میں اس قوم کے ساتھ جو اللہ تعالیٰ کا ذکر کرتے ہوں فجرکی نماز سے لے کر طلوع آفتاب تک بیٹھوں میرے نزدیک اس بات سے زیادہ محبوب ہے کہ میں اسماعیل کی اولاد میں سے چار غلام آزاد کروں ۔ اور یہ کہ میں ان لوگوں کے ساتھ جو اللہ تعالیٰ کا ذکر نماز عصر سے لے کر غروب آفتاب تک کرتے ہوں بیٹھوں مجھے زیادہ محبوب ہے اس سے کہ میں چار غلام آزاد کروں ۔‘‘ [حسن: رواه أبو داود (3667). ] 34۔حضرت ابو امامہ رضی اللہ عنہ روایت ہے کہ رسول اکرم صلی اللہ علیہ وسلم نے فرمایا: ’’ جو انسان فجر کی نماز با جماعت پڑہے؛ اورپھر طلوع آفتاب تک اللہ تعالیٰ کا ذکر کرتا رہے ؛ پھر اٹھ کر دو رکعت پڑھ لے۔ تو وہ حج و عمرہ کے اجر کیساتھ لوٹتا ہے۔‘‘ [حسن: رواه الطبراني في الكبير (8/209).] یہ حدیث ایک دوسری سند سے بھی مروی ہے‘ جس میں طلوع آفتاب کا ذکر نہیں ہے ۔‘‘ [ أبو داود (558)، وأحمد (22304) ] (10): باب :مؤمن ہر حال میں الله تعالیٰ کی حمد بیان کرنا چاہیے 35۔حضرت عبداللہ ابن عباس رضی اللہ عنہما سے روایت ہے کہ: ’’ رسول کریم صلی اللہ علیہ وسلم اپنی کسی بیٹی ( یعنی نواسی) کے پاس تشریف لائے اس وقت وہ نزع کے عالم میں تھی، نبی کریم صلی اللہ علیہ وسلم نے اسے پکڑ کر اپنی گود میں رکھ لیا، اسی حال میں اس کی روح قبض ہوگئی اور نبی کریم صلی اللہ علیہ وسلم کی آنکھوں سے آنسو جاری ہوگئے، تو حضرت ام ایمن رضی اللہ عنہا بھی رونے لگیں ۔