تلاوت قرآن میں قراء کرام کے اسالیب

[2]… ترنم و لہجہ قرآن کے وقار و جلال اور اس کے ادب و خشوع کے خلاف نہ ہو پس بعض لہجات قرآنی شان کے لائق نہیں اور وہ ایسے مستی والے لہجات ہیں جو خشوع ، خشیت اور عبرت حاصل کرنے سے دور کرے بلکہ سامع کے لیے تفریح اور رقص کا سامان پیدا کرے جبکہ ان کے مقابلہ میں ایسے لب و لہجات اور انداز موجود ہیں جن سے خشیت اور خشوع پیدا ہوتا ہے اور وہ مقام قرآن کے مناسب ہی خشوع و خضوع اور وعظ و نصیحت کا سامان پیدا کرتے ہیں۔ اللہ تعالیٰ فرماتے ہیں: ﴿أَلَمْ یَأْن لِلَّذِیْنَ آمَنُوا أَن تَخْشَعَ قُلُوبُہُمْ لِذِکْرِ اللّٰہِ وَمَا نَزَلَ مِنَ الْحَقِّ﴾ (الحدید: 16) ’’ کیا اب تک ایمان والوں کے لیے وقت نہیں آیا کہ ان کے دل ذکر الٰہی سے اور اترتے ہوئے حق سے نرم ہو جائیں ۔‘‘ اور اللہ سبحانہ نے فرمایا: ﴿لَوْ أَنزَلْنَا ہَذَا الْقُرْآنَ عَلَی جَبَلٍ لَّرَأَیْتَہُ خَاشِعاً مُّتَصَدِّعاً مِّنْ خَشْیَۃِ اللّٰہِ وَتِلْکَ الْأَمْثَالُ نَضْرِبُہَا لِلنَّاسِ لَعَلَّہُمْ یَتَفَکَّرُونَ،﴾ (الحشر: 21) ’’اگر ہم اس قرآن کو کسی پہاڑ پر اتارتے تو تم دیکھتے کہ خوف الٰہی سے وہ پست ہو کر ٹکڑے ٹکڑے ہو جاتا، ہم ان مثالوں کو لوگوں کے سامنے بیان کرتے ہیں