تلاوت قرآن میں قراء کرام کے اسالیب

قرآن مجید سے علم و عمل کا حصول نبی کریم صلی اللہ علیہ وسلم کے طریقہ مبارکہ میں سے یہ تھا کہ آپ قرآن کی تعلیم کے وقت اس کو مختلف حصوں میں تقسیم فرماتے۔ جس کو تعلیم دیتے پانچ آیات سے زائد نہ دیتے اور بعض روایات میں دس آیات کا ذکر ہے پس وہ آپ سے نص قرآنی مع صفت و کیفیت ادائیگی سیکھتے اور ساتھ ساتھ علم و عمل دونوں سے بہرہ ور ہوتے۔[1] ابن ابی شیبہ نے اپنی مصنف میں ابو العالیہ [2] سے روایت کیا ہے انہوں نے فرمایا: ’’قرآن مجید کی پانچ پانچ آیات سیکھو نبی کریم صلی اللہ علیہ وسلم پانچ پانچ آیات ہی سیکھتے تھے۔‘‘[3] ابن سعد نے طبقات میں[4] اور ابن أبی شیبہ نے مصنف میں[5] ابو عبدالرحمن سلمی رحمہ اللہ سے روایت کیا ہے انہوں نے فرمایا: ہم نے یہ قرآن ان ہستیوں سے سیکھا ہے جو کہتے ہیں کہ

[1] اسی بنیاد پہ ہمارے لیے بہتر ہے کہ ہم تحفیظ القرآن کا منہج مقرر کریں ابتدائی طالب علم کو صرف حفظ و تجوید پر اکتفا نہیں کرنا چاہیے بلکہ کچھ نہ کچھ تفسیر اور فقہ آیات کو بھی حاصل کرے اور یہ اس کے مرحلہ تعلیمی کے مطابق ہونا چاہیے۔ اسے چاہیے کہ پانچ یا دس آیات مقرر کرے اور ایک ہی وقت میں حفظ، تجوید ، تفسیر اور فقہ کے علوم کو حاصل کرے یہ حفظ نصوص میں پختگی کا ذریعہ ہے۔ امید ہے کہ جو اس منہج نبوی صلی اللہ علیہ وسلم کا اہتمام کرے گا اس کے عمل میں برکت پیدا ہوگی. [2] ان کا نام رفیع ہے قبیلہ بنی لوئی کی شاخ بنی یربوع کی ایک عورت کے غلام تھے، خلافت ابوبکر کے دوسال بعد اسلام لائے 93ھ میں فوت ہوئے بصرہ کے کبارتابعین میں تھے۔ (مشاھیر علماء الامصار۔ ابن حبان ص90). [3] مصنف ابن ابی شیبۃ:10/ 461. [4] طبقات ابن سعد:6/172. [5] المصنف:10/460.