تلاوت قرآن میں قراء کرام کے اسالیب

رسم کے احتمال سے ناظم کی مرادیہ ہے کہ وہ خط عثمانی کے موافق ہو چاہے بطور احتمال ہی ہو، صحت ِاسناد سے ناظم کی مراد تواترہے لیکن نظم میں صحت کا حکم ذکر کیا ہے اگر ہم یہ کہیں ان کا ارادہ صحت سند کا ہے درجہ تواتر کا نہیں تویہ بات مردود ہے اور عنقریب اس کا بیان آرہا ہے۔ باقی رہی بات نحوی وجہ کی مطابقت کی تو حقیقتاً یہ شرط نہیں بلکہ تحصیل حاصل ہے۔ پس جو قرأت سندِ تواتر سے خط عثمانی کے موافق ثابت ہو جائے اس کو نحویوں پہ پیش نہیں کیا جائے گا بلکہ اس سے نحوی استفادہ کریں گے چاہے وہ اس کو نہ ہی جانتے ہوں ۔