تلاوت قرآن میں قراء کرام کے اسالیب

نماز جمعہ و عیدین اور وتر میں قراءت: نبی کریم صلی اللہ علیہ وسلم وتر کی نماز کی پہلی رکعت میں ﴿سَبِّحِ اسْمَ رَبِّکَ الْأَعْلَی﴾ دوسری میں ﴿قُلْ یَا أَیُّہَا الْکَافِرُونَ ﴾ اور تیسری رکعت میں ﴿قُلْ ہُوَ اللّٰہُ أَحَدٌ﴾ پڑھتے تھے۔[1] أم المؤمنین عائشہ رضی اللہ عنہا کی روایت میں ﴿قُلْ ہُوَ اللّٰہُ أَحَدٌ﴾ کے ساتھ تیسری رکعت میں معوذ تین کا بھی ذکر ہے ۔[2] سیدناعلی رضی اللہ عنہ فرماتے ہیں رسول اللہ صلی اللہ علیہ وسلم نو سورتوں کو وتروں میں پڑھا کر تے تھے پہلی رکعت میں ﴿أَلْہٰکُمُ التَّکَاثُر﴾، ﴿إِنَّا أَنزَلْنَاہُ فِیْ لَیْلَۃِ الْقَدْر﴾، ﴿إِذَا زُلْزِلَتِ الْأَرْضُ زِلْزَالَہَا﴾ دو سری رکعت میں ﴿وَالْعَصْر﴾ اور ﴿إِذَا جَاء نَصْرُ اللّٰہِ وَالْفَتْحُ﴾ ﴿إِنَّا أَعْطَیْنَاکَ الْکَوْثَر﴾ جبکہ تیسری رکعت میں ﴿ قُلْ یَا أَیُّہَا الْکَافِرُون﴾، ﴿تَبَّتْ یَدَا أَبِیْ لَہَبٍ وَتَبَّ ﴾، ﴿ قُلْ ہُوَ اللّٰہُ أَحَدٌ﴾[3] عید ین اور جمعہ کی نماز میں آپ ﴿سَبِّحِ اسْمَ رَبِّکَ الْأَعْلَی﴾ اور ﴿ ہَلْ أَتَاکَ حَدِیْثُ الْغَاشِیَۃِ ﴾ پڑھتے اگر عید اور جمعہ ایک دن میں آجاتے تو بھی آپ انہی سورتوں کی تلاوت فرماتے ۔[4] ایک روایت میں ہے جمعہ کے دن سورہ جمعہ اور ﴿ہَلْ أَتَاکَ حَدِیْثُ الْغَاشِیَۃِ﴾ پڑھتے تھے۔ [5] ایک دوسری روایت میں ہے آپ نماز کی پہلی رکعت میں سورہ جمعہ اور دوسری میں

[1] الترمذی ، ابن عباس رضی اللہ عنہ کی روایت ہے۔ (1/326/462حدیث). [2] ایضاً. [3] مسند احمد ( الفتح الربانی 3/304). [4] یعنی جب جمعہ اور عید اکھٹے ہو جائے تووہ ان مذکورہ سورتوں کی تلاوت فرماتے یہ حدیث ابو داؤد نے رویت کی ہے۔ (1/1125،1122،293حدیث). [5] ابوداؤد عن نعمان بن بشیر (1/1123،293) الترمذی (1/533/413).