تلاوت قرآن میں قراء کرام کے اسالیب

’’جب وہ انھیں دور سے دیکھے گی تو یہ اس کا غصے سے بپھرنا اور دھاڑنا سنیں گے اور جب یہ جہنم کی کسی تنگ جگہ میں مشکیں کس کر پھینک دیئے جائیں گے تو وہاں اپنے لیے موت ہی موت پکاریں گے۔‘‘ راوی کہتے ہیں (یہ سن کر ) ربیع بے ہوش ہوگئے ہم انھیں اٹھا کر ان کے اہل خانہ کے پاس لائے تو ظہر تک عبداللہ بن مسعود نے انھیں اپنے ساتھ لگائے رکھا تا ہم انھیں افاقہ نہ ہوا۔ یہاں تک کہ مغرب ہوگئی تو وہ ہوش میں آئے اور عبداللہ اپنے گھر واپس پلٹے۔[1] یحییٰ بن اَبی کثیر[2] کہتے ہیں: کعب رضی اللہ عنہ نے ایک شخص کی قراءت، اس کی دعا اور رونا دھونا سنا تو وہاں سے یہ کہتے ہوئے گزرے، کیا خوب ہیں قیامت سے پہلے اپنے آپ پہ رونے والے ۔[3] نافع کہتے ہیں: ابن عمر رات کو نماز پڑھتے تو جب ایسی آیت سے گزرتے جس میں جنت کا ذکر ہوتا تو اللہ تعالیٰ سے جنت کا سوال اور دعا کرتے اور کبھی کبھی رو دیتے اور جب اس آیت کی تلاوت کرتے: ﴿أَلَمْ یَأْنِ لِلَّذِیْنَ آمَنُوا أَن تَخْشَعَ قُلُوبُہُمْ لِذِکْرِ اللّٰہِ﴾ (الحدید: 16) ’’کیا مومنوں پر ابھی وقت نہیں آیا کہ وہ اللہ کے ذکر سے ان کے دل ڈر جائیں۔‘‘ تو رو رو کر کہتے کیوں نہیں میرے رب ، کیوں نہیں میرے رب ۔ ایک دن انہوں نے ﴿وَیْلٌ لِّلْمُطَفِّفِیْنَ﴾ کی تلاوت کی، جب اس آیت پر پہنچے: ﴿یَوْمَ یَقُوْمُ النَّاسُ لِرَبِّ الْعَالَمِیْنَ﴾ ’’اس دن لوگ اپنے رب کے سامنے کھڑے

[1] فضائل قرآن ابو عبید:ص 23. [2] یحییٰ بن ابی کثیر یمامی ۔ ابو نصر بصری ، یمامۃ میں سکونت پذیررہے کسی صحابی سے ان کا سماع ثابت نہیں لہٰذا حدیث مرسل ہے۔ (مشاہیر علما الا مصار:191ص). [3] فضائل قرآن ابو عبید:ص 23.