تلاوت قرآن میں قراء کرام کے اسالیب

سفیان بن عیینہ فرماتے ہیں میں نے معر بن کرام[1] سے سنا کہ عبداللہ بن مسعو د رضی اللہ عنہ سے ایک شخص نے کہا مجھے کوئی وصیت کر دیجئے انھوں نے فرمایاجب تو اللہ تعالیٰ کا فرمان ﴿یٰأیھَّااَلَّذِیْنَ آمَنُوا…﴾ ‘‘ سنے تو اس کی طر ف اپنے کا ن لگالے اس سے بھلائی نصیب ہوگی یاشر کو دور کر دیا جائے گا۔[2] اس کے آداب میں سے یہ بھی ہے جس کو ابوہریرہ رضی اللہ عنہ نے روایت کیا ہے کہ رسول اللہ نے فرمایا تم میں سے جس نے ﴿وَالتِّیْنِ وَالزَّیْتُونِ﴾ کو ﴿أَلَیْسَ اللّٰہُ بِأَحْکَمِ الْحَاکِمِیْنَ﴾تک پڑھاتو اسے چاہیے ﴿وَاَنَا عَلیٰ ذٰلِکَ مِنَ الشَّاہِدِیْنَ﴾ کہے اور جو کوئی ﴿لَا أُقْسِمُ بِیَوْمِ الْقِیَامَۃِِ﴾ کو ﴿أَلَیْسَ ذَلِکَ بِقَادِرٍ عَلَی أَن یُحْیِیَ الْمَوْتَی﴾ تک پڑھے تو اسے چاہیے ﴿بَـلٰی وَعـِزَّۃِ رَبِّـنَـا﴾ پڑھے اور جس نے ﴿وَالْمُرْسَلَاتِ عُرْفاً﴾ پڑھی اور ﴿فَبِأَیِّ حَدِیْثٍ بَعْدَہُ یُؤْمِنُونَ﴾ تک پڑھے تواسے ﴿آمنّا بِاللّٰہِ﴾ پڑھنا چاہیے ۔ [3] سیدناجابر رضی اللہ عنہ فرماتے ہیں رسول اللہ صلی اللہ علیہ وسلم اپنے صحابہ کی طر ف تشریف لائے اور انھیں شر وع سے آخر تک سورہ رحمن پڑھ کر سنائی وہ سب خاموش رہے تو آپ نے فرمایا میں نے لیلۃ الجنّ میں یہی سورت جنوں پہ پڑھی تو وہ تم لوگوں سے اچھا جواب دینے والے تھے جب میں نے ﴿ فَبِأَیِّ آلَاء رَبِّکُمَا تُکَذِّبَان﴾ کی تلاوت کی تو وہ کہتے تھے اے ہمارے رب ہم تیری کسی نعمت کا انکار نہیں کر تے اور سب تعریفیں تیرے لیے ہیں۔[4]

[1] ابن ظہیر ہلالی عامری ابوسلمہ ، کوفہ کے اتباع التا بعین میں سے ہیں 50 1ھ، مشاہیرعلما ء الٔا مصار ابن حبان 169. [2] مسند احمد: کتاب الزھد 158، ابو نعیم حلیۃ الاولیاء:1/130،بیہقی شعب الایمان: 5/10. [3] سنن الترمذی: کتاب التفسیر:5/ 443/3347، ابوداؤد (887). [4] الترمذی:3291/399/5 اس موضوع کی عجیب بات یہ ہے کہ معاذبن جبل رضی اللہ عنہ نے یمن میں صبح کی نمازپڑھائی اورسورہ نساء کی تلاوت کی جب وہ اس آیت پرپہنچے ﴿ وَاتَّخَذَ اللَّهُ إِبْرَاهِيمَ خَلِيلًا ﴾ تو پیچھے سے ایک آدمی نے کہاام ابراہیم کی آنکھیں اب ٹھنڈی ہوئی ہیں۔ (مصنف ابن ابی شیبہ 1/354).