تلاوت قرآن میں قراء کرام کے اسالیب

تمہید القرآن الکریم خاتم الرسل جناب محمد صلی اللہ علیہ وسلم پر نازل ہونے والی کلام کے بہت سے نام ہیں اور اس کے بہت سے اوصاف ہیں ۔ کسی شے کے متعد د نام اور زیادہ اوصاف مسمی کے شرف اور موصوف کی عظمت و قدر کی دلیل ہیں ۔ کلام اللہ کے مشہور ترین ناموں میں سے ’’القرآن‘‘ اور ’’ الکتاب‘‘ ہیں۔ اللہ تعالیٰ فرماتے ہیں: ﴿وَاُوْحِیَ اِلَیَّ ہٰذَا الْقُرْاٰنُ لِاُنْذِرَکُمْ بِہٖ وَمَنْ مبَلَغَ﴾ (الانعام: 19) ’’اور میرے پاس یہ قرآن بطور وحی کے بھیجا گیا ہے تاکہ میں اس کے ذریعے تم کو اور جس کو یہ پہنچے ان سب کو ڈراؤں۔‘‘ اور فرمایا: ﴿وَلَوْ اَنَّ قُرْاٰ نًا سُیِّرَتْ بِہِ الْجِبَالُ اَوْ قُطِّعَتْ بِہِ الْاَرْضُ اَوْ کُلِّمَ بِہِ الْمَوْتٰی﴾ (الرعد: 31) ’’اگر کسی قرآن (آسمانی کتاب) کے ذریعے پہاڑ چلادیے جاتے ، زمین ٹکڑے ٹکڑے کر دی جاتی یا مردوں سے باتیں کروائی جاتیں۔‘‘ (یعنی یہی قرآن ہی ہوتا ) اور فرمایا: ﴿نَحْنُ نَقُصُّ عَلَیْکَ اَحْسَنَ الْقَصَصِ بِمَآاَوْحَیْنَآ اِلَیْکَ ہٰذَا الْقُرْاٰنَ﴾ (یوسف: 3) ’’ہم آپ کے سامنے بہترین بیان پیش کرتے ہیں کیونکہ ہم نے آپ کی طرف