تلاوت قرآن میں قراء کرام کے اسالیب

یہی مفہوم ہے نہ کہ وہ جو بعض تو ہم پرستوں نے سمجھ لیا کہ صحابہ کرامرضی اللہ عنہم کو قرآنی کلمات میں تبدیلی کی اجازت تھی۔ ام سلمہ رضی اللہ عنہا کی روایت ہے: ان سے نبی کریم صلی اللہ علیہ وسلم کی قراءت کے متعلق پوچھا گیا تو وہ اس کی توضیح میں حرف بہ حرف بیان کرنے لگیں اور فرمایا آپ قراءت رک رک کر فرماتے تھے۔ آپ پڑھتے ﴿اَلْحَمْدُ لِلّٰہِ رَبِّ الْعَالَمِیْنَ﴾ پھر ٹھہر جاتے، ﴿اَلرَّحْمَانِ الرَّحِیْم﴾ پھر وقف کرتے، ﴿مَالِکِ یَوْمِ الدِّیْنِ﴾ اس کو ترمذی اور ابو داؤد نے روایت کیا ہے ۔ ابوداؤد کے الفاظ میں ہے: وہ فرماتی ہیں رسول اللہ صلی اللہ علیہ وسلم کی قراءت ﴿اَلْحَمْدُ لِلّٰہِ رَبِّ الْعَالَمِیْنَ، اَلرَّحْمَانِ الرَّحِیْم، مَالِکِ یَوْمِ الدِّیْنِ،﴾ ہر آیت پہ ٹھہر ٹھہر کے تھی۔[1] پس یہ حدیث مبارکہ اس بات پہ دلالت کرتی ہے کہ آیات کے اختتام پہ وقف کرنا چاہیے تو یقینا اس سے عدالآی اور فواصل کی معرفت کے اہتمام کا فائدہ بھی نظر آتا ہے جب کہ آپ سے ثابت ہے کہ آپ ان (صحابہ ) کو یہ بھی ایسے ہی سکھاتے تھے جیسے ان کو قرآن سکھاتے تھے ۔[2] تاہم جب آیت کریمہ کا مابعد سے بہت گہرا تعلق ہو تو قاری کو اختیار ہے کہ وہ آیت کے اختتام پہ وقف کرے اور پھر اس کو ما بعد سے ملادے اس کی مثال ﴿لَعَلَّکُمْ تَتَفَکَّرُوْنَ ۔فِی الدُّنْیَا وَالآخِرَۃِ ...﴾ (البقرۃ: 219، 220) پس جب (تتفکرون) پہ وقف کرے تو ما بعد سے ابتداکی بجائے وصل کرے کیونکہ

[1] الترمذی:5/183 اور ابو داؤد:2/181. [2] اس کی دلیل ابن جریر کی مقدمہ تفسیر میں روایت ہے ابن مسعود رضی اللہ عنہ فرماتے ہیں:ہم نے سورہ فرقان میں اختلاف کیا، ہم نے کہا 35 آیات ہیں یا 36 ،پس ہم رسول اللہ صلی اللہ علیہ وسلم کی خدمت میں حاضر ہوئے تو ہم نے علی رضی اللہ عنہ کو آپ سے سر گوشی کرتے پایا،ہم نے کہا ہمارا قراء ت میں اختلاف ہو گیا ہے تو آپ کا چہرہ غصہ سے سرخ ہو گیا۔آپ صلی اللہ علیہ وسلم نے فرمایا:’’تم سے پہلے لوگ آپس کے اختلاف کی وجہ سے ہلاک ہو گئے۔ پھر آپ صلی اللہ علیہ وسلم نے آہستہ سے علی رضی اللہ عنہ سے کوئی بات کی تو انہوں نے ہمیں بتایا کہ رسول اللہ صلی اللہ علیہ وسلم حکم دیتے ہیں کہ جس طرح تمہیں سکھایا گیا ہے اسی طرح پڑھو۔‘‘.