تحریک آزادی فکر اور شاہ ولی اللہ رحمہ اللہ کی تجدیدی مساعی

صاحب ! بڑی ہی پریشانی ہے، تنخواہ میں گزارا نہیں ہوتا، فلاں کام یوں کیا تھا، یوں بگڑگیا، فلاں ترکیب یوں سوجھی تھی اور اوندھی ہوگئی۔ اب اگر آپ یاد دلائیں کہ مولانا وہ برکت و توجہ کہاں گئی جس کا آپ نے تذکرہ فرمایا تھا تو وہ سوختہ و بریاں جواب ملے گا کہ قادیانی علم کلام بھی پانی بھرتا رہ جائے گا۔ حاصل کلام یہ ہے کہ بدعت کا کوئی وطن نہیں نہ وہ کوئی لمیٹڈ یا رجسٹرڈ کاروبارہے۔ ضروری نہیں کہ ایک دیوبندی عالم جو کچھ کہے اور کرے، اس کا بدعت ہونا ناممکن قراردیا جائے اور اہلحدیث حضرات اگر علمائے دیوبند سے کسی مسئلے میں اختلاف رکھتے ہوں تو لازماً علمائے دیوبند ہی حق پر ہوں۔ آخرت کا اگر خیال ہے تو گروہی و وطنی عصبیتوں کو بالائے طاق رکھ کر اسلام اور بندگان اسلام کی صلاح و فلاح کے لیے وسعت نظر اور علم وبرداشت کی راہ پر آئیے، ورنہ قبر اقبال سے وہی آواز آئے گی۔ ع تمھاری داستاں تک بھی نہ ہوگی داستانوں میں (تجلی دیوبند، ص:24تا46، بابت جولائی واگست1958ء)