توحید اسماء و صفات

سے وہ لوگ جو ’’کتاب الدیانۃ‘‘جو کہ ابو الحسن الأشعری کی آخری عمر کی تالیف ہے اور جس کے مخالف یا مناقض ان کا کوئی مقالہ منظرِ عام پر نہیں آیا،کی بات کرتے ہیں،ان کا یقینی طورپر أھل السنۃ میں شمار ہوگا۔‘‘ اس سے قبل شیخ الاسلام نے (ص:۳۱۰) میں فرمایا تھا: ’’ أ شعریہ (جن کا عقیدہ اھل السنۃ کے برعکس ہے)کا صفاتِ باری تعالیٰ کے بارہ میں مذہب تعطیل کومسلتزم ہے،جو کہتے ہیں کہ اللہ تعالیٰ نہ عالَم کے اندر ہے نہ باہر۔‘‘ (وہ کہتے ہیں) اللہ تعالیٰ کے پورے کلام کاایک ہی معنی ہے جس کی رو سے آیت الکرسی اور آیۃا لدَین(قرضہ کے احکام والی آیت)اور توراۃ وانجیل سب کا ایک معنی ہے…اس عقیدے کا فاسد ہونابدا ھۃً وظاہراً معلوم ہے۔ شیخ الاسلام کے شاگرد حافظ ابن القیم رحمہ اللہ قصیدۂ نونیہ (ص:۳۱۲) میں فرماتے ہیں: واعلم بأن طریقھم عکس الطریق المستقیم لمن لہ عینان جان لوکہ اشاعرہ کا منہج أھل السنۃ کے منہجِ مستقیم کے بالکل برعکس ہے،کھلی آنکھوں سے دیکھنے والا اس حقیقت کوبخوبی سمجھتا ہے۔ آگے چل کرفرماتے ہیں: فاعجب لعمیان البصائر أبصروا کون المقلد صاحب البرھان ورأوہ بالتقلید أولی من سواہ بغیر مابصر و لابرھان وعموا عن الوحیین إذ لم یفھموا معناھما عجبا لذی الحرمان