توحید اسماء و صفات

اس کا یہ مطلب نہیں کہ صرف ازروئے علم ساتھ ہے،بلکہ ربوبیت کے تمام معانی مثلاً: احاطہ، سمع،بصر،قدرت اورتدبیر وغیرہ کے ساتھ ہے۔ ایک اور تنبیہ:گزشتہ صفحات میں ہم نے اس نکتہ کی طرف اشارہ کیا تھا کہ اللہ تعالیٰ کا علو قرآن،حدیث،عقل،فطرت اوراجماع تمام دلائل سے ثابت ہے (ہم اس کی قدرے تفصیل عرض کرتے ہیں) اللہ تعالیٰ کا علو(بلندہونا)قرآنِ حکیم میں مختلف اور متنوع اسالیب کے ساتھ بیان ہوا ہے۔ کہیں تو لفظِ ’’العلو‘‘استعمال ہوا،جیسے: [وَہُوَالْعَلِيُّ الْعَظِيْمُ۝۴] [1] ترجمہ:وہ بلند اورعظیم ہے۔ کہیں لفظِ’’فوق‘‘ مستعمل ہے:[وَہُوَالْقَاہِرُ فَوْقَ عِبَادِہٖ ][2] ترجمہ:اور وہی اپنے بندوں کے اوپر غالب ہے برترہے۔ کہیں ’’استواء علی العرش‘‘ کاذکر کرکے اس کے علو کو بیان کیاگیا:جیسے [اَلرَّحْمٰنُ عَلَي الْعَرْشِ اسْتَوٰى۝۵ ][3] ترجمہ:جورحمن ہے عرش پرقائم ہے۔ کہیں اللہ تعالیٰ کا آسمانوں پر ہونامذکور ہے:

[1] الشوریٰ:۴ [2] الانعام:۶۱ [3] طہ:۵