تربیت اولاد

﴿وَ بَشَّرُوْهُ بِغُلٰمٍ عَلِيْمٍ۰۰۲۸﴾ (الذاریات :28) ’’اور انہوں نے ایک دانش مند لڑکے کی بشارت دی۔‘‘ ایک جگہ پر آتا ہے کہ ﴿فَبَشَّرْنٰهُ بِغُلٰمٍ حَلِيْمٍ۰۰۱۰۱﴾ (الصّٰفّٰت : 101) اور ہم نے ابراہیم کو بشارت دی ایک حلیم لڑکے کی۔ اسی طرح حضرت زکریا علیہ السلام کے لیے آتا ہے کہ ان کو بھی بیٹے کی خوشخبری دی تو وہاں بھی بشارت کے الفاظ آتے ہیں ۔ حضرت زکریا علیہ السلام کو اللہ نے آخری عمرمیں اولاد دی۔ جب حضرت مریم علیہا السلام کے پاس بے موسمےپھل دیکھ کر اللہ سے دعا مانگی تھی۔ یہ محراب میں نماز پڑھ رہے تھے تو فرشتے نے ان کو خوش خبری دی تھی۔ اور وہاں بھی بشارت کے الفاظ آئے ہیں کہ: ﴿اَنَّ اللّٰهَ يُبَشِّرُكَ بِيَحْيٰى ﴾ (آل عمران : 39) ’’اللہ تعالیٰ تمھیں یحییٰ کی خوشخبری دیتا ہے۔ ‘‘ تو جس کے ہاں اولاد ہونے والی ہو اس کو خوشخبری دینی چاہیے۔ کیونکہ یہ خوشخبری انسان کو خوش کرتی ہے۔ خوش خبری اور مبارک میں فرق خوش خبری اور مبارک میں کیا فرق ہے ؟ وہ یہ کہ بچہ ابھی پیدا نہیں ہوا ،امیدہے،امید کا لگنا اس کی خوشخبری ہے۔ حضرت ابراہیم علیہ السلام اور حضرت زکریا علیہ السلام کو قرآن میں خوشخبری دی گئی جبکہ بچہ ابھی پیدا نہیں ہواتھا۔ ہاں !جب بچہ پیدا ہو جائے تو اس کو مبارک باد دینی چاہیے۔ بچے کی پیدائش پر مبار ک باددینا بچے کا حق ہے: ہمارے ہاں ایک اور چکر ہے کہ جب لڑکا پیدا ہو تو مبارک باد دیتے ہیں ۔ جب لڑکی پیدا ہو تو مبارک باد نہیں دی جاتی۔عربو ں کا طریقہ یہ تھا کہ عورت کے آگے ایک گڑھا کھود