کتاب: تقوی، اہمیت،برکات اور اسباب - صفحہ 53
کے ساتھ اللہ تعالیٰ سے دوری ہی میں زیادہ ہوتا ہے۔‘‘ [1]
۴: حضرت الحسن نے بھی ایسے ہی بیان کیا ہے۔ [2]
تنبیہ:
مذکورہ بالا اقوال کا قطعاًیہ معنی نہیں ، کہ ایسا شخص نماز ادا کرنا چھوڑ دے ، بلکہ اس کو چاہیے ، کہ وہ اپنی نمازوں کا بنظر غائر جائزہ لے۔ ان میں موجود خلل کی اصلاح اور نقص کی تلافی کرے۔
ج: اللہ جل جلالہ نے ارشاد فرمایا:
{یٰٓاَیُّھَا الَّذِیْنَ اٰمَنُوْا کُتِبَ عَلَیْکُمُ الصِّیَامُ کَمَا کُتِبَ عَلَی الَّذِیْنَ مِنْ قَبْلِکُمْ لَعَلَّکُمْ تَتَّقُوْنَ} [3]
[اے ایمان والو! تم پر روزے فرض کیے گئے ہیں، جس طرح کہ تم سے پہلے لوگوں پر فرض کیے گئے ، تاکہ تم تقویٰ اختیار کرو۔]
علامہ رازی اپنی تفسیر میں رقم طراز ہیں:’’آیت کا معنی یہ ہو گا: میں نے تم پر روزے فرض کیے ہیں ، تاکہ تم ان کے ساتھ متقی بن جاؤ ، جن کی میں نے اپنی کتاب میں تعریف کی ہے۔‘‘ [4]
شیخ ابن عاشور نے لکھا ہے: ارشاد تعالیٰ : {لَعَلَّکُمْ تَتَّقُوْنَ} :روزہ کی حکمت اور اس کی مشروعیت کی غرض و غایت کو بیان کرتا ہے۔ [5]
شیخ سعدی نے تحریر کیا ہے: پھر اللہ تعالیٰ نے فرضیت روزہ کی حکمت کا ذکر کرتے ہوئے فرمایا: {لَعَلَّکُمْ تَتَّقُوْنَ}
بلاشبہ روزہ تقویٰ کے [حصول کے] سب سے بڑے اسبا ب میں سے ہے ، کیونکہ اس میں اللہ تعالیٰ کے حکم کو بجا لانا اور ان کی ممنوعہ بات کو چھوڑنا ہے۔ [6]
[1] تفسیر الطبري ۲۰؍۹۹۔
[2] ملاحظہ ہو: المرجع السابق ۲۰؍۹۹۔
[3] سورۃ البقرۃ؍الآیۃ ۱۸۳۔
[4] التفسیر الکبیر ۵؍۷۰۔
[5] ملاحظہ ہو: تفسیر التحریر والتنویر ۲؍۱۵۸۔
[6] ملاحظہ ہو: تفسیر السعدي ص ۷۵۔