تقاریر وخطابات سید ابوبکر غزنوی

ہے اور اس پر شرعاً واجب ہے کہ وہ جہاد میں بدنی طور پر شریک ہو، قوم کے ایک طبقے کو جنگ کی آگ میں جھونک کر پوری قوم کا تماشائی بن جانا قطعاً نازیبا ہے اور یکسرغیر اسلامی ہے میں صدر مملکت سے اپیل کرتا ہوں کہ پاکستان کے تمام شہروں میں فوجی تربیت کےمراکز جلد از جلد کھولے جائیں اور پاکستان کے دس کروڑ مسلمانوں کو نہایت تیزی کے ساتھ دس کروڑ مسلح سپاہیوں میں بدل کر کفار پر یلغار کی جائے۔ ((حَتَّىٰ تَضَعَ الْحَرْبُ أَوْزَارَهَا ۚ)) ہندوستانی سامراج کو چیلنج ہندوستانی سامراج کو یہ سمجھنا چاہیے کہ سرفروشی اور جاں سپاری ہماری میراث ہے۔ ہم پاکستان کے چپے چپے کی خاطرجانیں نچھاور کریں گے۔ ہمارا بچہ بچہ ملک و ملت کی آبرو پر کٹ مرنے کے لیے بے تاب ہے۔ ہم ہندوستان سامراج پر یہ واضح کردینا چاہتے ہیں کہ دس کروڑ مسلمانوں کی خاک و خون میں لتھڑی ہوئی لاشوں پر سے گزر کر ہی پاکستان کی سرحدوں میں داخل ہوا جا سکتا ہے۔ ((وآخر دعوٰاناعن الحمد للّٰه رب العالمين))