تلاش حق کا سفر

یہودونصاریٰ نے اپنے انبیاء کی محبت میں محفلِ میلاد منائی تو مسلمانوں نے بھی عید میلاد النّبی صلی اللہ علیہ وسلم منانا شروع کیا، یہودونصاریٰ نے اپنے علماء کو رب بنالیا،انہیں حلال وحرام کرنے کی اتھارٹی دے دی تو آج مسلمانوں نے بھی اپنے علماء و آئمہ کو رب کا درجہ دے دیا، آج اگر کوئی بات قرآن وسنت سے بتائی جائے تو قابلِ قبول نہیں مگر جب مولوی کچھ کہدے تو فوراََ قبول کر لی جاتی ہے ۔ یہود ونصاریٰ میں شرک ، جادو، زنا، سود، جھوٹ ، تورات و انجیل میں تبدیلی ، پرندوں سے فال نکالنا، ستاروں سے قسمت کا حال معلوم کرنا عام تھا تو آج مسلمانوں میں بھی یہ تمام برائیاں بدرجۂ اتم پائی جاتی ہیں ۔ . قوتِ فکر و عمل پہلے فنا ہوتی ہے تب کسی قوم کی شوکت پہ زوال آتا ہے مگر جسے حق کی یہ نعمت مل جاتی ہے تو وہ اسی کی نشرواشاعت میں اپنی جان قربان کرنا اپنے لیے بڑا اعزار سمجھتا ہے ، اسے اپنی زندگی کا مشن بنا لیتا ہے ، انہیں جو یانِ حق سے ہمارے محترم محمدرحمت اﷲخان صاحب (ایڈووکیٹ)کی شخصیت ہے ، جنہیں اﷲنے حق کی نعمت سے نوازا ہے ، اس سے پہلے آپ بھی گلی گلی، نگرنگر’’ برزگوں ‘‘کے کہنے پر گھوما کرتے تھے ، موضوع و ضعیف احادیث کو دین سمجھتے تھے ، آئمہ کو انبیاء کا درجہ دیتے تھے ، مگر اﷲنے آپ کو ہدایت بخشی اور حق کی نعمت عطا کی، جس کے بعد آپ نے باطل پسند علماء سے انتہائی جرأت سے قرآن وسنت کی روشنی میں سے حق کی وضاحت طلب کی ، ان سے دلائل طلب کیے ، اور ان کے عقائد ومسائل کو کتاب وسنت کا آئینہ دکھایا، چونکہ مقلد کے نزدیک اس کے امام کا قول ہی دلیل ہوا کرتا ہے ، اور حنفی مقلدین کے امام کی کوئی مستقل تصنیف بھی نہیں ہے ، ان کے دلائل امام ابوحنیفہ رحمۃ اللہ علیہ کی طرف منسوب اقوال یا پھر ان کے سایۂ تقلید میں پناہ گزین بزرگوں کے فتاوے ہوا کرتے ہیں جو کسی بھی متلاشی ٔ حق کی تسلی کے لیے کافی نہیں ہیں ، اور نہ ہی ان سے دین کی حقیقی تعبیر وتشریح کھل کر سامنے آسکتی ہے ۔ چنانچہ خاں صاحب نے اپنے انہیں تجربات