تجوید کی تدریس کے طریقے

بھی طویل معلوم ہوتی تھی۔‘‘ اور جب کوئی شخص قرآن مجید کو ٹھہر ٹھہر کر پڑھے گا تو اس کے معانی ومفاہیم پر غور کرے گا اور یہی اس سے مقصود ہے لیکن یہ ایک ایسا مسئلہ ہے کہ جس سے لوگوں کی اکثریت غافل ہے۔لوگوں کا ذہن یہ ہوتا ہے کہ انہوں نے کتنے صفحے یا پارے پڑھنے ہیں، یا ایک مہینے میں کتنے قرآن مجید مکمل کرنے ہیں یا کتنے دنوں میں قرآن مجید مکمل کرنا ہے وغیرہ جبکہ افضل یہ ہے کہ لوگوں کا اصل مقصود قرآن مجید میں غور وفکر بن جائے۔ ایک شخص نے عبد اللہ بن مسعود رضی اللہ عنہ سے کہا کہ وہ ایک رکعت میں مفصل سورتوں میں سے کوئی سورت پڑھ لیتے ہیں تو عبد اللہ بن مسعود رضی اللہ عنہ نے جواب دیا: ((ھٰذّا کَھَذِّ الشِّعْرِ إِنَّ أَقْوَامًا یَّقْرَؤُوْنَ الْقُرْاٰنَ لَا یُجَاوِزُ تَرَاقِیْھِمْ، وَ لٰکِنْ إِذَا وَقَعَ فِی الْقَلْبِ فَرَسَخَ فِیْہِ نَفَعَ۔))[1] ’’یہ تو قرآن مجید کا ایسے پڑھنا ہے جیسے شاعری پڑھی جاتی ہے۔ بعض لوگ ایسے بھی ہوں گے کہ وہ قرآن مجید پڑھیں گے لیکن وہ ان کے حلق سے تجاوز نہیں کرے گا۔لیکن اگر وہ قرآن مجید ان کے دل میں اتر گیا اور جگہ بنا گیا تو پھر فائدہ مند ہے۔‘‘ ابو جمرۃ رحمہ اللہ نے حضرت عبد اللہ بن عباس رضی اللہ عنہما سے کہا کہ میں جلد تلاوت کرتا ہوں اور تین راتوں میں قرآن مجید مکمل کر لیتا ہوں۔اس پر حضرت عبد اللہ بن عباس رضی اللہ عنہما نے کہا: ((لَأَنْ أَقْرَأَ الْبَقَرَۃَ فِیْ لَیْلَۃٍ فَأَتَدَبَّرُھَا وَ أُرَتِّلُھَا أَحَبُّ إِلَیَّ مِنْ أَنْ أَقْرَأَ کَمَا تَقُوْلُ۔))[2] ’’میں ایک رات میں سورہ بقرۃ کی تلاوت کروں اور اس پر غور وفکر بھی کروں، یہ مجھے زیادہ پسندہے کہ میں تمہاری طرح تلاوت کروں (یعنی ایک رات میں دس

[1] صحیح البخاری: ۱-۱۸۹. [2] أخلاق أھل القرآن: ص۱۶۹۔۱۷۰.