تجوید کی تدریس کے طریقے

قرآن مجید کی تلاوت کی فضیلت کتاب وسنت میں قرآن مجید کی تلاوت کی فضیلت کثرت سے بیان ہوئی ہے اور یہاں ہمارا مقصود ان تمام فضیلتوں کا بیان نہیں ہے بلکہ ہم اس طرف محض اشارہ کر کے اپنی بحث کو آگے بڑھانا چاہیں گے۔ نماز یا غیر نماز میں قرآن مجید کی تلاوت کی فضیلت ضروریات دین میں سے ہے جیسا کہ ہمارے علم میں ہے کہ سورۃ فاتحہ کی تلاوت کے بغیر نماز صحیح نہیں ہے۔ اللہ تعالیٰ نے اپنے بندوں کو قرآن مجید کی تلاوت کی ترغیب دلائی ہے جیسا کہ ارشاد باری تعالیٰ ہے: ﴿إِنَّ الَّذِیْنَ یَتْلُونَ کِتَابَ اللّٰهِ وَأَقَامُوا الصَّلَاۃَ وَأَنفَقُوا مِمَّا رَزَقْنَاہُمْ سِرّاً وَعَلَانِیَۃً یَرْجُونَ تِجَارَۃً لَّن تَبُورَ۔ لِیُوَفِّیَہُمْ أُجُورَہُمْ وَیَزِیْدَہُم مِّن فَضْلِہِ إِنَّہُ غَفُورٌ شَکُورٌ﴾ (فاطر: ۲۹-۳۰) ’’بے شک جو لوگ اللہ کی کتاب کی تلاوت کرتے ہیں اور انہوں نے نماز قائم کی اور اس میں سے جو ہم نے ان کو رزق دیا، اعلانیہ اور خفیہ طور خرچ کرتے ہیں، وہی لوگ ہیں جو ایسی تجارت کے امیدوار ہیں جو ہر گز تباہ نہ ہوگی۔ تاکہ اللہ تعالیٰ انہیں ان کا اجر دے اور انہیں اپنے فضل سے زیادہ دے۔ بے شک وہ بخشنے والا قدر دان ہے۔‘‘ قرآن مجید کی تلاوت کا نماز اور زکوۃ سے پہلے ذکر کرنا اس کی فضیلت کی طرف ایک اشارہ ہے۔ قرآن مجید کی تلاوت کی فضیلت کے بیان میں بہت سی احادیث بھی نقل ہوئی ہیں جیسا کہ حضرت عائشہ رضی اللہ عنہا کی حدیث ہے کہ انہوں نے کہاکہ اللہ کے رسول صلی اللہ علیہ وسلم نے فرمایا: ((اَلَّذِیْ یَقْرَأُ الْقُرْاٰنَ وَ ھُوَ مَاھِرٌ بِہٖ مَعَ السَّفَرَۃِ الْکِرَامِ الْبَرَرَۃِ،