تجوید کی تدریس کے طریقے

اور اللہ نے اس قرآن مجید کی قسم بھی کھائی ہے: ﴿وَالْقُرْآنِ الْحَکِیْمِ﴾ ’’اور قسم ہے قرآن مجید کی۔‘‘ اور اس کی تلاوت کا حکم دیا ہے: ﴿وَأُمِرْتُ أَنْ أَکُونَ مِنَ الْمُسْلِمِیْنَ، وَأَنْ أَتْلُوَ الْقُرْآنَ﴾ ’’اور مجھے یہ حکم دیا گیا ہے کہ میں فرمانبرداروں میں سے ہو جاؤں اور یہ کہ میں قرآن مجید کی تلاوت کروں۔‘‘ اور اس میں غوروفکر کی دعوت دی ہے: ﴿أَفَلَا یَتَدَبَّرُونَ الْقُرْآنَ﴾ ’’کیا پس وہ قرآن مجید میں غور وفکر نہیں کرتے ہیں۔‘‘ اور اس کے کسی بھی قسم کے ٹیڑھ پن سے پاک ہونے کی گواہی دی ہے: ﴿قُرآناً عَرَبِیّاً غَیْرَ ذِیْ عِوَجٍ﴾ ’’اس حال میں کہ یہ قرآن عربی زبان میں ہے اور اس میں کوئی کجی (ٹیڑھ پن) نہیں ہے۔‘‘ اس کے علاوہ بھی قرآن مجید میں قرآن کی فضیلت، عالی مقام اور بلند مرتبے کے بارے بہت سی آیات موجود ہیں۔ سنت نبویہ میں قرآن مجید کی فضیلت: جیساکہ قرآن مجید میں قرآن کی فضیلت نقل ہوئی ہے، اسی طرح بہت سی احادیث میں بھی قرآن مجید کا مقام اور مرتبہ بیان ہوا ہے۔ ان میں سے جامع ترین حدیث حضرت علی رضی اللہ عنہ کی ہے کہ انہوں نے کہا: میں نے اللہ کے رسول صلی اللہ علیہ وسلم سے سنا کہ عنقریب فتنے رونما ہوں گے۔ میں نے عرض کیا: اے اللہ کے رسول صلی اللہ علیہ وسلم !ان فتنوں سے بچاؤ کا رستہ کیا ہے۔ اللہ کے رسول صلی اللہ علیہ وسلم نے فرمایا: ((کِتَابُ اللّٰہِ، فِیْہِ نَبَأُ مَا کَانَ قَبْلَکُمْ، وَخَبَرُ مَا بَعْدَکُمْ، وَحُکْمُ