تجوید کی تدریس کے طریقے

مد اور قصر تمہید: استاذ کسی ایک طالب علم کو سورۃ القارعۃ کی پہلی پانچ آیات تلاوت کرنے کا کہے۔ پھر کسی دوسرے طالب علم کو سورت کے آخر تک تلاوت کا کہے۔ اور اس تلاوت میں انہیں حروفِ مد کی ادائیگی میں اہتمام کا کہے تا کہ طلباء سبق کے موضوع سے آگاہ ہو سکیں۔ عرض: استاذ ایسے تعلیمی وسیلہ کو استعمال کرے جو قاعدہ کے جمیع جزئیات کو شامل ہو۔ تعلیمی وسیلہ: حرفِ مد حرفِ مد کی مثالیں ہر حرف کی شرط أ ﴿إِذَا زُلْزِلَتِ الْأَرْضُ زِلْزَالَہَا﴾ الف سے پہلے فتحہ أ ﴿وَأَخْرَجَتِ الْأَرْضُ أَثْقَالَہَا﴾ الف سے پہلے فتحہ و ﴿فَلَا تَدْعُوا مَعَ اللّٰهِ أَحَداً﴾ واؤ سے پہلے ضمہ و ﴿کَادُوا یَکُونُونَ عَلَیْہِ لِبَداً﴾ واؤ سے پہلے ضمہ ی ﴿لَن یُجِیْرَنِیْ مِنَ اللّٰهِ أَحَدٌ﴾ یاء سے پہلے کسرہ ی ﴿خَالِدِیْنَ فِیْہَا أَبَداً﴾ یاء سے پہلے کسرہ مدرس کی تلاوت: استاذ اپنے طلباء کے سامنے تجوید کے ساتھ کچھ مثالوں کی تلاوت کرے تا کہ طلباء کے لیے طبیعی مد کی قصر اور اسے دو حرکات سے زیادہ نہ کرنے میں مہارت سیکھنے میں آسانی پیدا ہو۔