تجوید کی تدریس کے طریقے

تشدید کا سبب، مدغم حرف کا اپنی صفت پر باقی رہنا ہے اور وہ غنہ کی صفت ہے۔ تیسرا مرتبہ: اس سے مراد وہ حرف ہے جس میں اخفاء ہو رہا ہو اور اسی کی مثل اقلاب ہے۔ پہلی مثال ﴿أَنْ جَآئَ ہُ الْأَعْمٰی﴾ کی ہے جبکہ دوسری ﴿فَہَلْ تَرٰی لَہُمْ مِّنْ بَاقِیَۃٍ﴾ ہے۔ چوتھا مرتبہ: وہ حرف ساکن جس میں مطلق، حلقی یاشفوی اظہار کیا جا رہا ہو۔ اس کی پہلی مثال: ﴿مَنْ عَمِلَ صَالِحاً فَلِنَفْسِہِ وَمَنْ أَسَاء فَعَلَیْہَا﴾ دوسری: ﴿أُوْلَئِکَ لَہُمْ رِزْقٌ مَّعْلُومٌ﴾ اور تیسری: ﴿أَفَمَنْ أَسَّسَ بُنْیَانَہ﴾ ہے۔ پانچواں مرتبہ: حرف متحرک ہے اور اس کی مثال ﴿عَلِمَتْ نَفْسٌ مَّا قَدَّمَتْ وَأَخَّرَت﴾ ہے۔ مدرس کو چاہیے کہ وہ طلباء کو بتائے کہ پہلے تین مراتب میں غنہ ظاہر کیا جائے گا اور آخری دو میں اسے چھپایا جائے گا۔ خلاصہ کلام: درج ذیل منظم سوالات کے ذریعے موضوع کی متنوع جزئیات کی تعریفات اوراحکام تک پہنچا جا سکتا ہے: ۱۔ حرف مشدد کی اصل کیا ہے؟ ۲۔ مشدد متصل اور مشدد منفصل میں فرق کیا ہے؟ ۳۔ کلمے کی اقسام (اسم، فعل، حرف) میں سے کس میں میم اور نون مشدد آتے ہیں؟ ۴۔ میم اور نون مشدد کو کیا نام دیا جائے گا؟ ۵۔ میم اور نون مشدد کا حکم کیا ہے؟ ۶۔ غنہ کے مراتب کیا ہیں؟