طہارت کے احکام ومسائل

کرنا نا ممکن ہے، کیوں کہ یہ تو سر میں بھی داخل ہے، جب کہ اسے غرہ کہا ہی نہیں جاتا۔‘‘[1] حفاظِ حدیث کی ان تصریحات سے یہ بات واضح ہوگئی کہ یہ آخری جملہ نبیِ اکرم صلی اللہ علیہ وسلم کا ارشاد نہیں، بلکہ کسی راوی کی طرف سے اِدراج ہے۔ البتہ حافظ ابن حجر کے بقول ایک جماعتِ سلف اور اکثر شافعیہ و حنفیہ نے اِطالتِ غرہ کو مستحب قرار دیا ہے اور شیخ ابن باز نے بھی اِلاطتِ تحجیلکو مشروع قرار دیا ہے۔[2] 7۔انگلیوں کا خلال: ہاتھوں کو دھونے کے دوران میں انگلیوں کا خلال کرنا اور ایسے ہی پاؤں کو دھونے کے دوران میں پاؤں کی انگلیوں کا خلال کرنا بھی سنت ہے اور قاضی عیاض کے بقول یہ واجب ہے۔[3] یہ خلال کئی احادیث سے ثابت ہے، جیسا کہ سنن ترمذی و ابن ماجہ، مسندِ احمد اور مستدرکِ حاکم میں حضرت ابن عباس رضی اللہ عنہما سے مروی ہے کہ نبیِ کریم صلی اللہ علیہ وسلم نے ارشاد فرمایا: (( إِذَا تَوَضَّأْتَ فَخَلِّلْ بَیْنَ أَصَابِعِ یَدَیْکَ وَرِجْلَیْکَ )) [4] ’’جب تم وضو کرو، تو ہاتھوں اور پیروں کی انگلیوں میں خلال بھی کرو۔‘‘ ہاتھوں کی انگلیوں کا خلال تو انھیں ایک دوسرے میں داخل کرنے سے بہ آسانی ہو جاتا ہے، جبکہ پاؤں کی انگلیوں کے خلال کا طریقہ بھی ایک حدیث میں موجود ہے۔ چنانچہ سنن ابی داود، ترمذی،

[1] أعلام الموقعین (۶؍ ۳۱۶) بحوالہ تمام المنۃ (ص: ۹۲) إرواء الغلیل (۱؍ ۱۳۲۔ ۱۳۳) [2] فتح الباري بتعلیق ابن باز (۱؍ ۲۳۶۔ ۲۳۷) [3] نیل الأوطار (۱؍ ۱؍ ۱۵۴) [4] المنتقیٰ مع النیل (۱؍ ۱؍ ۱۵۳۔ ۱۵۴) اس حدیث کی سند میں ایک راوی صالح ہے جو حافظے میں اختلاط ہو جانے کی وجہ سے ضعیف ہے ۔ مگر امام بخاریaنے اس حدیث کو حسن قرار دیا ہے، کیوں کہ یہ موسیٰ بن عقبہ کی صالح سے روایت ہے اور اس کا سماع اختلاط سے پہلے کا ہے۔ (نیل الأوطار ۱؍ ۱؍ ۱۵۴) اور تحقیق المشکاۃ (۱؍ ۱۲۸) میں شیخ البانی نے بھی اسے حسن کہا ہے اور امام ترمذی کی تحسین نقل کی ہے۔ ایسے ہی سننِ اربعہ، صحیح ابن خزیمہ و ابن حبان، مسند احمد، مستدرکِ حاکم، سنن بیہقی، شافعی اور دارمی میں حضرت لقیط بن صبرہ رضی اللہ عنہ سے مروی ہے کہ میں نے نبیِ اکرم صلی اللہ علیہ وسلم کی خدمت میں عرض کی: مجھے وضو کے بارے میں بتائیے تو آپ صلی اللہ علیہ وسلم نے فرمایا: (( أَسْبِغِ الْوُضُوْئَ وَخَلِّلْ بَیْنَ الْأَصَابِعِ )) ’’وضو اچھی طرح کرو اور انگلیوں کا خلال بھی کرو۔‘‘ المشکاۃ مع المرعاۃ (۱؍ ۴۷۱۔ ۴۷۲) وقد صححہ جمع کبیر کما في المرعاۃ و تحقیق الألباني (۱؍ ۱۳۸)