طہارت کے احکام ومسائل

بھی مذکور ہے۔ بعض روایات میں تین مرتبہ سر کا مسح کرنے کا ذکر آیا ہے اور بعض میں دو مرتبہ مسح کا ذکر، وہ احادیث ضعیف ہیں۔ [1] مسحِ راس کے بعد حضرت عثمانِ غنی رضی اللہ عنہ کے وضو کو بیان کرنے والے راوی فرماتے ہیں: (( ثُمَّ غَسَلَ رِجْلَہُ الْیُمْنٰی ثَلَاثًا، ثُمَّ الْیُسْریٰ ثَلَاثًا، (وَقَالَ:) رَأَیْتُ رَسُوْلَ اللّٰہِ صلی اللّٰه علیہ وسلم تَوَضَّأَ نَحْوَ وُضُوْئِيْ ھٰذَا (فَقَالَ:) مَنْ تَوَضَّأَ نَحْوَ وُضُوْئِیْ ھٰذَا، ثُمَّ یُصَلِّيْ رَکْعَتَیْنِ، لَا یُحَدِّثُ نَفْسَہٗ فِیْھَا بِشَیْئٍ، غُفِرَ لَہٗ مَا تَقَدَّمَ مِنْ ذَنْبِہٖ )) [2] ’’پھر انھوں نے تین مرتبہ اپنا دایاں پاؤں دھویا۔ پھر تین مرتبہ ہی بایاں دھویا۔ پھر فرمایا: میں نے رسول اللہ صلی اللہ علیہ وسلم کو دیکھا ہے کہ آپ صلی اللہ علیہ وسلم نے میرے اس وضو کی طرح وضو کیا اور فرمایا: جو شخص میرے اس وضو کی طرح وضو کرے، پھر دو رکعتیں ایسے خشوع و خضوع سے پڑھے، جن کے دوران میں وہ اپنے آپ سے باتیں نہ کرے (یعنی آر پار کی سوچوں میں نہ کھو جائے) تو اس کے پہلے تمام گناہ معاف ہو جاتے ہیں۔‘‘ صحیح بخاری و مسلم میں مروی ہے کہ حضرت عبداللہ بن زید بن عاصم رضی اللہ عنہ سے کہا گیا: ہمارے سامنے نبیِ مکرم صلی اللہ علیہ وسلم کے وضو کی کیفیت عملی طور پر بیان کریں تو انھوں نے پانی کا بر تن منگوایا، اس سے اپنے ہاتھوں پر پانی انڈیل کر انھیں تین مرتبہ دھویا۔ پھر اپنا (دایاں) ہاتھ پانی کے برتن میں ڈال کر اس سے پانی نکالا اور ایک ہی چلو سے کلی کی اور ناک میں پانی چڑھایا۔ یہ فعل تین مرتبہ دہرایا۔ پھر ہاتھ ڈال کر پانی نکالا اور تین مرتبہ منہ دھویا۔ پھر ہاتھ ڈال کر پانی نکالا اور کہنیوں سمیت اپنے دونوں ہاتھوں کو دو دو مرتبہ دھویا۔ پھر ہاتھ ڈال کر پانی نکالا اور اپنے سرکا مسح کیا (اور وہ یوں کہ) اپنے دونوں ہاتھوں کو سرکے اگلے حصے سے پچھلے حصے تک (بالوں پر پھیرتے ہوئے) لے گئے۔ پھر اپنے دونوں پاؤں کو ٹخنوں تک دھویا اور فرمایا:

[1] فتح الباري (۱؍ ۲۶۰) نیل الأوطار (۱؍ ۱؍ ۱۸۶۔ ۱۸۸) عون المعبود، تہذیب السنن لابن القیم۔ [2] صحیح البخاري مع الفتح (۱۵۹) صحیح مسلم مع شرح النووي (۳؍ ۱۰۷۔ ۱۰۸) صحیح سنن أبي داود، رقم الحدیث (۹۷) صحیح سنن النسائي، رقم الحدیث (۸۳) منتقی الأخبار مع نیل الأوطار (۱؍ ۲؍ ۱۳۹) مشکاۃ المصابیح مع المرعاۃ (۱؍ ۳۷۰۔ ۳۷۱)