تفسیر النساء

ہو آپ کو وہ دو نور دئیے جاتے ہیں جو آپ سے پہلے کسی نبی کو نہیں دئیے گئے سورۂ فاتحہ اور سورۂ بقرہ کی آخری آیتیں ان کے ایک ایک حرف پر آپ کو نور دیا جائے گا۔[1] صحیح بخاری میں ہے جو شخص ان دونوں آیتوں کو رات کو پڑھ لے اسے یہ دونوں کافی ہیں ۔[2] طبرانی نے بسند جید شداد بن اوس رضی اللہ عنہ سے حدیث کی تخریج کی ہے کہتے ہیں : رسول اللہ صلی اللہ علیہ وسلم نے فرمایا: ((اِنَّ اللّٰہَ کَتَبَ کِتَابًا قَبْلَ اَنْ یَّخْلُقَ السَّمٰوَاتِ وَ الْأَرْضَ بِأَلْفَیْ عَامٍ فَأَنْزَلَ مِنْہُ اٰیَتَیْنِ خَتَمَ بِہِمَا سُوْرَۃَ الْبَقَرَۃِ لَا یُقْرَاٰنِ فِیْ دَارٍ ثَلَاثَ لَیَالٍ فَیَقْرَبُہَا شَیْطَانٌ)) [3] ’’یقینا اللہ نے زمین و آسمان کی پیدائش سے دو ہزار سال قبل ایک کتاب لکھی پھر اس میں سے دو آیتیں اتار کر سورۃ البقرۃ کو ختم کیا ہے یہ کسی گھر میں نہیں پڑھی جاتیں تین راتوں تک کہ پھر اس گھر کے شیطان قریب آ جائے (یہ ناممکن ہے)۔‘‘ مسند احمد میں ہے رسول اللہ صلی اللہ علیہ وسلم نے فرمایا:’’ سورۂ بقرہ کی آخری آیات عرش تلے کے خزانے سے دیا گیا ہوں مجھ سے پہلے کسی نبی کو یہ نہیں دی گئیں ۔‘‘[4] صحیح مسلم شریف میں ہے:’’ جب حضور صلی اللہ علیہ وسلم کو معراج کروائی گئی اور آپ سدرۃ المنتہی پہنچے جو ساتویں آسمان میں ہے … وہاں حضور صلی اللہ علیہ وسلم کو تین چیزیں دی گئیں ۔ پانچ وقت کی نمازیں سورۂ بقرہ کے خاتمے کی آیتیں اور توحید والوں کے تمام گناہوں کی بخشش۔‘‘[5] ایمان بالغیب کے چھ اجزاء اس آیت میں تفصیلات سے قطع نظر اسلام کے عقائد اور اسلامی طرز عمل کا خلاصہ بیان کر دیا گیا ہے اور وہ یہ ہے: اللہ، اس کے فرشتوں اور اس کی کتابوں کو ماننا اور اس کے تمام رسولوں کو تسلیم کرنا بغیر اس کے کہ ان کے

[1] صحیح مسلم، کتاب صلاۃ المسافرین، باب فضل الفاتحۃ و خواتیم سورۃ البقرۃ، رقم: ۸۰۶۔ [2] صحیح بخاری، کتاب فضائل القرآن، باب فضل سورۃ البقرۃ، رقم: ۵۰۰۹۔ صحیح مسلم، کتاب صلاۃ المسافرین، باب فضل الفاتحۃ و خواتیم البقرۃ، رقم: ۸۰۷۔ سنن ابو داود: ۱۳۹۷۔ [3] جامع الترمذی، کتاب فضائل القرآن، باب ما جاء فی آخر سورۃ البقرۃ، رقم: ۲۸۸۲۔ مسند احمد: ۴/۲۷۴۔ ابن حبان: ۲۸۲۔ حاکم: ۲/۲۶۰۔ اس کو حاکم، ذہبی اور البانی رحمہم اللہ نے صحیح قرار دیا ہے۔ (المشکاۃ: ۲۱۴۵) [4] مسند احمد: ۵/۳۸۳۔ صحیح۔ [5] صحیح مسلم، کتاب الایمان، باب فی ذکر سدرۃ المنتہی، رقم: ۱۷۳۔ نسائی فی الکبری: ۳۱۵۔ دیکھیے تفسیر ابن کثیر: ۴۹۴-۴۹۵۔ فتح القدیر: ۱/۳۹۲۔