تفسیر سورۂ ق

﴿أَإذَا مِتْنَا وَکُنَّا تُرَاباً ذٰلِکَ رَجْعٌ بَعِیْدٌ﴾(۳) ’’کیا جب ہم مر جائیں گے اور خاک ہو جائیں گے۔ (تو دوبارہ اٹھائے جائیں گے) یہ واپسی (تو عقل سے )بعید ہے ‘‘ بلکہ وہ یہ بھی کہتے تھے کہ اللہ تعالیٰ تو ہم پر راضی ہے۔ اللہ نے ہمیں انعامات سے نواز رکھا ہے، اس لیے جس عذاب سے ہمیں ڈرایا جاتا ہے، ہم اس کے مستحق نہیں ہیں: ﴿وَمَا أَرْسَلْنَا فِیْ قَرْیَۃٍ مِّنْ نَّذِیْرٍ إِلَّا قَالَ مُتْرَفُوْہَا إِنَّا بِمَا أُرْسِلْتُمْ بِہٖ کَافِرُوْنَo وَقَالُوْا نَحْنُ أَکْثَرُ أَمْوَالاً وَّأَوْلَاداً وَمَا نَحْنُ بِمُعَذَّبِیْنَ ﴾(سبا:۳۴،۳۵) ’’اور کبھی ایسا نہیں ہوا کہ ہم نے کسی بستی میں ایک خبردار کرنے والا بھیجا ہو اور اس بستی کے کھاتے پیتے لوگوں نے یہ نہ کہا ہو کہ جو پیغام تم لے کر آئے ہو اس کو ہم نہیں مانتے، انھوں نے ہمیشہ یہی کہا کہ ہم تم سے زیادہ مال واولاد رکھتے ہیں اور ہم ہر گز سزا پانے والے نہیں۔‘‘ اس لیے وہ اپنے بارے میں بے خوف تھے اور قیامت کا تصور بعید ازعقل سمجھتے تھے، سورۃ المؤمنون میں قومِ عاد کے متکبرین کے خیالات کو ذرا تفصیل سے یوں بیان کیا گیا ہے۔ ﴿وَقَالَ الْمَلَأُ مِنْ قَوْمِہٖ الَّذِیْنَ کَفَرُوْا وَکَذَّبُوْا بِلِقَآئِ الْآخِرَۃِ وَأَتْرَفْنَاہُمْ فِی الْحَیَاۃِ الدُّنْیَا مَا ہٰذَآ إِلَّا بَشَرٌ مِّثْلُکُمْ یَأْکُلُ مِمَّا تَأْکُلُوْنَ مِنْہُ وَیَشْرَبُ مِمَّا تَشْرَبُوْنَ o وَلَئِنْ أَطَعْتُمْ بَشَراً مِثْلَکُمْ إِنَّکُمْ إِذاً لَّخَاسِرُوْنo أَیَعِدُکُمْ أَنَّکُمْ إِذَا مِتُّمْ وَکُنْتُمْ تُرَاباً وَعِظَاماً أَنَّکُمْ مُّخْرَجُوْنَ o ہَیْہَاتَ ہَیْہَاتَ لِمَا تُوعَدُوْنَo إِنْ ہِیَ إِلَّا حَیَاتُنَا الدُّنْیَا نَمُوْتُ وَنَحْیَا وَمَا نَحْنُ بِمَبْعُوثِیْنَ﴾ (المؤمنون:۳۳۔۳۷)