تفسیر سورۂ ق

بنا اور اس سے بڑھ کر الحاد وزندقت کی وادیوں میں چلا گیا، اسلام کی تردید میں کتابیں لکھتا اور اس کے عوض یہودیوں سے مال وزروصول کرتا، مشہور معتزلی ابو علی جبائی سے بغداد کے پل پر ابن راوندی کی ملاقات ہو ئی تو اس نے کہا: قرآن کے مقابلے میں جو کچھ لکھا ہے اس میں سے کچھ سنو گے، جبائی نے کہا میں تیرے شرمناک علوم سے واقف ہوں، اے ابن راوندی میں تم کو ہی منصف تسلیم کرتا ہوں ،بتلاؤ ھَلْ تَجِدُ فِیْ مُعَارَ ضَتِکَ لَہٗ عَذُوْبَۃً وَھَشَّا شَۃً وَ تَشَاکلُاً وَتَلا ؤماً وَنَظْماً کَنَظْمِہٖ وَحَلَاوَتِہٖ ؟قَالَ لَاوَاللّٰہِ قَالَ قَدْ کَفَیْتَنِی فَانْصَرِفْ حَیْثُ شِئْتَ۔ (اعجاز القرآن للرافعی :ص ۲۰۷) ’’کیا تم اپنے قرآن میں وہ مٹھا س، بشاشت ونرمی، موافقت ، درستی اور نظم پاتے ہو جو نظم اور شیرینی قرآ ن میں ہے؟ اس نے کہا اللہ کی قسم ہرگز نہیں، جبائی نے کہا تم نے فیصلہ کر دیا اب جہاں چاہتے ہو جاؤ۔‘‘ یہ اور اس نوعیت کے دوسرے واقعات قرآنِ مجید کے اس اعجاز اوراس کی عظمت کی دلیل ہیں، اس کی اند رونی شہادتیں اس پر مستزاد ہیں۔ مگر اس کی تفصیل اور قرآنی اعجازات کا استیعاب یہاں مقصود نہیں، بلکہ مقصد قرآنِ مجید کی بزرگی وعظمت کے چند پہلوؤں کی طرف اشارہ تھا، جس کی یہاں قسم کھائی گئی ہے ۔ قرآنِ مجیدکی یہ قسم کہ﴿وَالْقُرْآنِ الْمَجِیْدِ ﴾ قرآنِ مجید کی قسم ہے، یہ قسم کس بات پر کھائی گئی ہے، اس کا مقسم علیہ محذوف ہے اور وہ کیا ہے؟ اس کے بارے میں صحیح ترین قول یہ ہے کہ اس سے مراد رسول اللہ صلی اللہ علیہ وسلم ہیں یعنی فرمایا گیا ہے کہ قرآنِ مجید کی قسم محمد صلی اللہ علیہ وسلم اللہ کے رسول ہیں، اور ان کی رسالت کا انکار بلا دلیل ہے، جیسا کہ سورۃ یٰس میں فرمایا ہے کہ﴿ یٰسٓo وَالْقُرْآنِ الْحَکِیْمِ o إِنَّکَ لَمِنَ الْمُرْسَلِیْنَ ﴾’’قرآنِ حکیم کی قسم، بے شک آپ رسولوں میں سے ایک رسول ہیں۔‘‘ سورہ ٔ ص میں بھی فرمایا گیا ہے: ﴿صٓ وَالْقُرْآنِ ذِیْ الذِّکْرِoبَلِ الَّذِیْنَ کَفَرُوْا فِیْ عِزَّۃٍ وَشِقَاقٍo کَمْ أَہْلَکْنَا مِنْ قَبْلِہِمْ مِّنْ قَرْنٍ فَنَادَوْا وَّلَاتَ حِیْنَ مَنَاصٍo بَلْ