تفسیر سورۂ ق

ہیں۔ حتی کہ کوئی نہیں جانے گا کہ روزہ کیا ہے، نہ نماز کو جانے گا،نہ حج کو، نہ صدقہ کواور وہ کتاب اللہ ایک ہی رات میں چل دے گی،تو اس میں سے ایک آیت بھی زمین پر نہیں رہے گی۔‘‘ منکرین وملحدین قرآنِ مجید اور اس کی تعلیمات کو ختم کرنے کے درپے ہیں، مگر ان کو یہ خبر نہیں کہ قرآنِ مجید کا وجود تو دنیا کے وجود کا باعث ہے، جبقرآنِ مجید نہیں ہوگا تو یہ دنیا بھی اپنا جواز کھو بیٹھے گی، گویا اللہ کا کلام دنیا کے وجود وبقاکا ضامن ہے، مگر ناداں اس کے پیچھے پڑے ہیں۔ إنا للہ وإنا إلیہ راجعون۔ قرآن اللہ نے نازل فرمایا ہے قرآنِ مجید کی عظمت اس اعتبار سے بھی نمایاں ہے کہ اس کے من جانب اللہ ہونے اور اس کی حفاظت اللہ کے ذمہ ہونے ،دونوں کا اظہار قرآنِ مجید ہی میں موجود ہے اور اس کا معجزہ ہونا ،جس طرح اس کے نزول کے وقت تھا آج بھی اس کا اعجاز بدستور قائم ہے اور قیامت تک قائم رہے گا، قرآنِ پاک کی بیان کردہ آفاقی شہادتیں نت نئے دن اس کی صداقت اور اس کے من جانب اللہ ہونے کا ثبوت پیش کرتی رہتی ہیں۔ نہایت اختصار سے عرض ہے کہ اللہ تعالیٰ نے فرمایا: ﴿وَإِنَّہٗ لَتَنْزِیْلُ رَبِّ الْعَالَمِیْنoنَزَلَ بِہِ الرُّوْحُ الْأَمِیْنُ oعَلَی قَلْبِکَ لِتَکُوْنَ مِنَ الْمُنذِرِیْنَ ﴾ (الشعراء : ۱۹۲،۱۹۴) ’’بے شک یہ قرآن اسی کا اتارا ہوا ہے جو سارے جہانوں کارب ہے۔ اسے لے کر تیرے دل پر امانت دار روح ( جبرئیل علیہ السلام ) اتری ہے تاکہ تم ان میں شامل ہو جاؤ جو ڈرانے والے ہیں۔‘‘ ایک دوسرے مقام پر فرمایا: ﴿إِنَّہٗ لَقَوْلُ رَسُوْلٍ کَرِیْمٍo وَمَا ہُوَ بِقَوْلِ شَاعِرٍ قَلِیْلاً مَّا تُؤْمِنُوْنَo وَلَا بِقَوْلِ کَاہِنٍ قَلِیْلاً مَّا تَذَکَّرُوْنَ oتَنْزِیْلٌ مِّن رَّبِّ الْعَالَمِیْنَ ﴾(الحاقۃ: ۴۰،۴۱،۴۲)