تفسیر سورۂ ق

اور اس کو نظر انداز کرنے والوں کو نیچے گرا دے گا۔ ‘‘ قرآنِ مجیدواد غیرذی زرعمیں نازل ہوا، جو اس کے اولین مخاطب تھے وہ امی، تعلیم وتعلم سے ناآشنا ، نہ تمدن ،نہ معیشت ،نہ صنعت وحرفت، نہ اتفاق واتحاد ،بلکہ قبائلی حمیت ان میں جلوہ گر، رہزن اورصحرا نشیں، وہ یکایک سرزمینِ حجاز سے آگے قیصر وکسری کے فاتح کیونکر بن گئے؟ اس کا ایک ہی جواب ہے قرآنِ پاک کی تعلیم اور رسول اللہ صلی اللہ علیہ وسلم کی تربیت سے ۔ اقبال مرحوم نے رسول اللہ صلی اللہ علیہ وسلم کے اسی فرمان اور صحابۂ کرام رضی اللہ عنہم کی فتوحات کی روشنی میں کس قدر حقیقت پسندانہ بات کہی ہے۔ ؎ وہ معزز تھے زمانے میں مسلمان ہو کر اور تم خوار ہوئے تارکِ قرآن ہو کر یہاں قرآنِ مجید کے فضائل وبرکات اور اعجازات کی تفصیل مقصود نہیں ،نہ ہی یہ ہمارا موضوع ہے، بس یہ بتلانا مقصود تھا کہ اس پُر عظمت کتاب سے جو وابستہ ہوا وہ سرخرو ہوا اور جس نے اس سے رخ موڑا وہ ذلیل ورسوا ہوا۔ یہی حبل اللہ ہے ۔ اللہ تعالیٰ اور اس کے بندے کے مابین مضبوط واسطہ ہے، آدم علیہ السلام کو اس دنیا میں بھیجتے ہوئے یہ پیغام دیا تھا: ﴿فَاِمَّا یَاْ تِیَنَّکُمْ مِّنِّیْ ھُدًی فَمَنِ اتَّبَعَ ھُدَایَ فَلا یَضِلُّ وَلَا یَشْقٰی﴾ الآیۃ(طٰہٰ:۱۲۳) ’’اگر میری طرف سے تمھارے پاس ہدایت آئے، جو کوئی میری ہدایت پر چلے گا نہ وہ گمراہ ہو گا،نہ بدنصیب ہو گا۔‘‘ حجۃ الوداع کے خطبہ میں آپ صلی اللہ علیہ وسلم نے ارشاد فرمایا تھا: قَدْ تَرَکْتُ فِیْکُمْ مَالَنْ تَضِلُّوْا بَعْدَہٗ إنِ اعْتَصَمْتُمْ بِہٖ کِتَابِ اللّٰہ ‘‘ (مسلم:رقم۲۹۵۰) ’’میں تم میں ایک ایسی چیز چھوڑے جا رہا ہو، جس کے ساتھ تم وابستہ رہو گے تو تم ہر گز گمراہ نہیں ہو گے، وہ اللہ کی کتاب ہے۔‘‘